भक्तपुर- ठगी मुद्दामा पक्राउ परेका भक्तपुरको चाँगुनारायणस्थित नेपाल इन्जिनियरिङ कलेजका पूर्वअध्यक्ष लम्बोदर न्यौपानेलाई धरौटीमा रिहा गर्न अदालतले आदेश गरेको छ। बिहीबार भक्तपुर जिल्ला अदालतले ३५ लाख धरौटीमा रिहा गर्न आदेश गरेको हो। तर अदालतले तोकेको धरौटी नबुझाएपछि उनलाई डिल्लीबजार कारागार चलान गरिएको केन्द्रीय अनुसन्धान ब्युरो (सिआइबी)की एसपी गंगा पन्तले बताइन्।
न्यौपानेविरुद्ध अख्तियार दुरूपयोग अनुसन्धान आयोगका तत्कालीन आयुक्त राजनारायण पाठकलाई ७८ लाख घुस दिएको आरोपमा मुद्दा दायर भएको थियो।
आफ्नो आर्थिक अनियमितता र भ्रष्टाचार लुकाउन न्यौपानेले आयोगका तत्कालीन आयुक्त पाठकलाई ७८ लाख घुस दिएको प्रमाण सार्वजनिक भएपछि पाठकले पदबाट राजीनामा दिनुपरेको थियो।
इञ्जिनियरिङ कलेजमा भएको आर्थिक अनियमितताबाट २३ करोड १० लाख २३ हजार ४४३ रुपैयाँ बेरुजु देखिएको र न्यौपानेका नाममा मात्रै तीन करोड ७१ लाख ५३ हजार ६५० बेरुजु रही ठगी गरेको अभियोग लागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
