६४.१५ अंकले बढेर १८७४ पुग्यो नेप्से

अर्थ समाचार

नेपाल लाइभ बुधबार, मंसिर १०, २०७७ १५:१९

काठमाडौं- बुधबार सेयर बजार ६४.१५ अंक‍ले बढेको छ। नेप्से सूचक ३.५२ अंकले सुधार भएर १८७४.२६ अंक कायम भएको छ। यो अंक इतिहासकै दोस्रो ठूलो सूचक हो। यसअघि २०७३ साउन १२ गते नेप्सेले १८८१ अंक पुगेको थियो।

सूचक सुधार भएसँगै कारोबार रकम पनि ५ अर्ब ३ करोड रुपैयाँको कारोबार भएको छ। बुधबार ५ वटा कम्पनीको सेयर मूल्य अधिकतम बढ्ने क्रममा सर्किट लागेको छ। होटलको सूचकबाहेक सम्पूर्ण सूचक तथा उपसूचकमा सुधार आएको छ।

बुधबार बजार सुधार हुनुमा वाणिज्य बैंकको योगदान सबैभन्दा बढी छ। वाणिज्य बैंकको सूचक ४० अंकले सुधार भएको छ। गएका दिनमा थोरै सेयर पुँजी भएका कम्पनीमा मात्रै उछाल आएकोमा बुधबार वाणिज्य बैंकको सेयर मूल्यमा अत्याधिक सुधार भएको हो। बजार सुधार हुने लक्षणका कारण लगानीकर्ता मंहगा कम्पनीका साथै थोरै मूल्य भएका वाणिज्य बैंकको सेयरमा आकर्षित भएका हुन्।

वाणिज्य बैंकको बजार हिस्सा ४६ प्रतिशत रहेको छ। गएका वर्षमा बाणिज्य बैंकको सूचकमा सुधार नभइ बजार खासै बढ्दैन थियो। तर यस पटक बैंकिङ सूचकमा सुधार नभइ ५ सय अंकको सुधारमा टेवा पुर्‍याएको हो। यदि वाणिज्य बैंकहरुमा पनि उछाल आउने हो भने नेप्से सूचकले अबको केही समय नयाँ नयाँ रेकर्ड बनाइरहने देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्‍त्री ओलीका बुवा अस्पताल भर्ना, फोक्सोमा समस्या

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ