बझाङ- बलात्कारपछि हत्या गरिएकी बझाङको मष्टा गाउँपालिका वडा नं २ खिकलाकी १२ वर्षीया सम्झना कामीको बुधबार आठ दिनपछि दाहसंस्कार गरिएको छ।
जिल्ला प्रहरी कार्यालयले पत्रकार सम्मेलन गरी मष्टा-२ का २० वर्षीय राजेन्द्र बोहोरालाई आरोपितका रुपमा सार्वजनिक गरेपछि जिल्ला अस्पतालमा राखिएको बालिकाको शव सम्झनाका आफन्तले बुझेर दाहसंस्कार गरेका हुन्।
शव बुझ्दै उनका आफन्त गोरख कामीले दोषीलाई कारबाही हुन्छ भनेर शव बुझेको र अदालतबाट फैसला नहुँदासम्म सम्झनाको न्यायका लागि संघर्ष गरिराख्ने बताएका छन्।
मंगलबार जिल्ला प्रशासन कार्यालयमा बसेको सर्वदलीय बैठकमा समेत बालिकाको शवको दाहसंस्कार गर्ने सहमति भएको र सोहीअनुसार दाहसंस्कार भएको बझाङका सहायक प्रमुख जिल्ला अधिकारीले रामबहादुर सार्कीले बताए। गृह मन्त्रालयका सचिवले फोनमार्फत् बालिकाका आफ्न्तलाई १० लाख दिने बताएकोसमेत सहायक प्रजिअ सार्कीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
