एजेन्सी- बलिउड अभिनेता सुशान्तसिंह राजपूत आत्महत्या प्रकरणमा मुछिएकी उनकी पूर्वप्रेमिका रिया चक्रवर्ती अन्ततः पक्राउ परेकी छन्। लागू औषत प्रकरणमा नारकोटिक्स कन्ट्रोल ब्यूरो (एनसीबी) ले उनलाई पक्राउ गरेको हो।
यसअघि उनीसँग तीन पटकसम्म सोधपुछ गरेको थियो। सोधपुछका क्रममा उनले आफू पनि ड्रग्स प्रयोग गर्दै आएको बयान दिएकी थिइन्. सोही बयानका आधारमा उनलाई पक्राउ गरिएको हो। पक्राउ परेकी रियाको कोभिड–१९ परीक्षण गरिनेछ।
एनसिबीले ड्रग्स प्रयोग गर्ने २५ बलिउडकर्मीको लिस्ट तयार पारेको छ। यसअघि उनका भाइ शौविकलाई पनि एनसिबीले पक्राउ गरेको थियो।
उनले रियालाई ड्रग्स किनेर दिने गरेको बयान दिएका थिए। सोही आधारमा एनसिबीले रियामाथि अनुसन्धान थालेको थियो। त्यस्तै एनसिबीले सुशान्तका पूर्व सहयोगसहित ७ जनालाई समेत पक्राउ गरेको छ।
सुशान्तले १४ जुनमा आत्महत्या गरेको थिए। उनको आत्महत्याको कारण ड्रग्स प्रयोग गर्नु रहेको भन्दै एनसिबीले छानबिन थालेको हो।
सुशान्त प्रकरण सिआइबीले अनुसन्धान गरिरहेको छ। सुशान्तका दुई बहिनीविरुद्ध पनि एफआइआर दायर भएको छ। आत्महत्याका लागि उक्साएको आरोप उनीहरुमाथि लागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
