एजेन्सी–भारतीय चलचित्रकर्मीहरुले एकपछि अर्को गर्दै बलिउडबाट आफू पीडित भएको खुलासा गर्न थालेका छन्। ओस्कार विजेतासंगीतकार एआर रहमानले आफूविरुद्ध अफवाह फैलाउने समूह नै सक्रिय रहेको भनी दिएको अभिव्यक्तिलाई अर्का ओस्कारविजेता चलचित्रकर्मीले पनि समर्थन गरेका छन्।
ओस्कारविजेता साउण्ड डिजाइनर रेसुल पुकुट्टीले आफूलाई हिन्दी फिल्मका काम दिन कोही पनि तयार नरहेको बताएका हुन्।
‘ओस्कार जितेपछि म यस्तो अवस्थामा आएको छु कि हिन्दी फिल्ममा मलाई कोही काम दिन तयार छैन,’ ट्वीटरमा पुकुट्टीले भनेका छन्, ‘मलाई तपाईं ब्रेकमा हो भनेर सोधियो, किनकि मलाई हिन्दी फिल्ममा कसैले काम नै दिएको थिएन।’
उनले यो अवस्थामा क्षेत्रीय सिनेमाहरुमा काम गर्न थालेको बताए। ‘केही प्रोडक्सन हाउसले मलाई मेरो आवश्यकता नभएको जवाफ दिए तर पनि म यो फिल्म उद्योगलाई म माया गर्छु,’ उनले भनेका छन्।
ए आर रहमानले आफूविरुद्ध अफवाह फैलाइएको बताएपछि त्यसलाई लिएर फिल्म निर्देशक शेखर कपुरले एक ट्वीट गरेका थिए। उनले भनेका थिए, ‘तपाईलाई थाहा छ समस्या किन छ? तपाईंले ओस्कार प्राप्त गर्नुभयो, ओस्कार हात पार्नु भनेको बलिउड तपाईंका लागि समाप्त हुनु हो। किनकि यसले के प्रमाणित गर्छ भने तपाईं यति योग्य हुनु भयो कि बलिउड तपाईंलाई पचाउन सक्दैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776332923.jpg)
-1764146706.png)
