काठमाडौँ- सत्तारुढ दल नेकपा दोस्रो तहका नेताहरूले पार्टी विवाद बढ्दै जाँदा पक्षविपक्षमा भइरहेका सडक प्रदर्शन रोकेर संवाद अघि बढाउन अध्यक्षद्वयलाई आग्रह गर्ने निर्णय गरेका छन्। बेलुका ५ बजेदेखि कृषि तथा पशुपन्छी मन्त्रालयमा भएको छलफलमा दोस्रो तहका नेताहरुले पार्टी एकताका लागि सहजकर्ताको भूमिका निर्वाह गर्ने निर्णय गरेका हुन्।
‘एउटै पार्टीका नेता/कार्यकर्ता सडकमा प्रदर्शन गरेर झडपमा उत्रिनु ठिक हुँदैन,’ बैठकमा सहभागी एक नेताले भने, ‘पार्टीभित्रको विवाद कमिटी बैठकमा छलफल गरेर टुंगो लगाउनुपर्छ। सडकमा कार्यकर्ता प्रदर्शन गराउनु ठिक हुदैन भन्ने भयो।’
सडकमा भइरहेको प्रदर्शन रोक्न अध्यक्ष केपी ओली र पुष्पकमल दाहाललाई अध्यानाकर्षण गराई महासचिवबाट रोक्नका लागि आग्रह गर्ने निर्णय भएको ती नेताले बताए। पार्टी अध्यक्ष केपी ओली र अर्का अध्यक्ष पुष्पकमल दाहाल‘प्रचण्ड’बीच वान टू वान संवाद बिहीबार हुन नसकेपछि छलफल गर्न दोस्रो तहका नेताहरु जुटेका थिए। पार्टी एकतालाई जोड्न दोस्रो तहका नेताहरुले सहजीकरण गर्ने निर्णय गरेका छन्।
यस्तै भारतीय सञ्चार माध्यममा नेपालका विषयमा आएका विभिन्न विषयप्रति पनि भर्त्सना गरेको छ। यस्तै समाचार माध्यमहरूमा आएजस्तो अध्यक्षद्वयबीच दूरी नबढेको तर पार्टीका नेताहरूबीच एकले अर्को पक्षका विरुद्ध विवादास्पद अभिव्यक्ति नदिनेसमेत निर्णय गरेको छ।
बुधबारको ओली प्रचण्डबीचको संवादमा आ–आफ्ना अडान नछोडेपछि शुक्रबारको स्थायी कमिटी बैठक समेत स्थगित हुने सम्भावना बढेपछि दोस्रो तहका नेताहरु छलफलमा जुटेका हुन्।
छलफलमा स्थायी कमिटी सदस्य जनार्दन शर्मा,देवेन्द्र पौडेल, वनमन्त्री शक्तिबहादुर बस्नेत,पर्यटन मन्त्री योगेशकुमार भट्टराई ११ जना दोस्रो तहका नेताहरु पुगेका थिए। गत बैशाख १९ गते भुसालकै पहलमा पार्टीमा बढ्दै गएको विवाद मत्थर पार्दै एकतालाई जाड दिने निर्णय गरेका थिए। स्थायी कमिटी सदस्यहको सन्देश भुसालले लिएर दुबै अध्यक्षलाई पुर्याएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778409050-1778409499.jpeg)
-1764146706.png)
