सुरक्षा/अपराध

रुकुम घटना : को छुटे? को थुनामा गए? [सूचीसहित]

तीर्थराज निराैला बुधबार, असार १०, २०७७ २०:१७

काठमाडौं- ६ जनाको ज्यान गर्ने गरी रुकुम पश्चिमको चौरजहारी नगरपालिका–८ सोतीमा भएको घटनाका संलग्न भएको आरोप लागेका वडाध्यक्ष डम्मरबहादुर मल्लसहित २३ जनालाई अभियुक्तलाई पूर्पक्षका लागि थुनामा पठाउन जिल्ला अदालत रुकुमकोटले आदेश गरेको छ।

जिल्ला अदालत रुकुमकोटले युवक नवराज विकसँग प्रेम सम्बन्ध भएकी युवतीकी आमालाई भने १ लाख धरौटीमा रिहा गर्न आदेश दिएको छ। बुधबार थुनछेक बहस सकी अदालतले यस्तो आदेश जारी गरेको हो। प्रतिवादी बनाइएका दुई जना भने नाबालक भएकाले सुधारगृह चलान भइसकेका छन् भने अन्य ५ जना अझसम्म फरार छन्। अभियुक्त भनिएका ३ जना भने साधारण तारेखमा रिहा गर्न अदालतले आदेश दिएको छ।

तारेखमा छोडिएकाहरु
१.तुल बहादुर मल्ल

२.ईन्द्र बहादुर मल्ल

३.दिपेन्द्र चन्द

धरौटीमा रिहा भएकी
१. परिवर्तित नाम ५४ रुकुम पश्चिम ३६(२)- रु. १ लाख

थुनामा गएका प्रतिवादीहरुको नाम
१. डम्बर बहादुर मल्ल

२.डिल्ली मल्ल ठकुरी

३.प्रेम बहादुर ठकुरी

४.सन्तोष मल्ल

५.मान बहादुर मल्ल

६.टोप बहादुर मल्ल

७.परिवर्तित नाम ५४ रुकुम पश्चिम ३६(१)

८.परिवर्तित नाम ५४ रुकुम पश्चिम ३६(३

९.तिलक चन्द

१०.हर्क बहादुर मल्ल

११.बिनोद मल्ल

१२.नेत्र बहादुर मल्ल

१३.रेशम बहादुर मल्ल

१४.विष्णु मल्ल

१५.ईन्द्र बहादुर भन्ने इर्द बहादुर ठकुरी

१६.लिपेन्द्र कुमार मल्ल

१७.धनाराज राना

१८.नविन कुमार घर्ती मगर (जि.एम.)

१९.बिराज पुन मगर

२०.भिम बहादुर पुन

२१.रमित पुन मगर

२२. सर्वजित भन्ने सविन पुन

२३. मोहन पुनमगर

शुक्रबारदेखि चलेको थुनछेक बहसपछि बुधबार प्रतिवादीका कानुनी सहयोगीले माग गरेको धरौटीमा रिहा गर्न अस्वीकार गर्दै २३ अभियुक्तलाई सरकारीपक्षको माग अनुसार पूर्पक्षका लागि थुनामा पठाउने आदेश दिएको हो। जिल्ला सरकारी वकिल कार्यालय रुकुम पश्चिमले उक्त घटनामा संलग्न भएको आरोपमा ३४ जनाविरुद्ध मुद्दा दायर गरेको थियो।

यस्तो थियो घटना
जाजरकोटको भेरी नगरपालिका–४ रानागाउँका २१ वर्षीय युवक नवराज विक र छिमेकी जिल्ला पश्चिम रुकुमको चौरजहारी नगरपालिका–८ सोतीकी १७ वर्षीया मल्ल थरकी एक किशोरीबीच प्रेम बसेको थियो।

तल्लोको जातको केटा भएको भन्दै किशोरीका परिवारले उनीहरुको विवाह अस्वीकार गरेको आरोप छ। त्यसपछि केटीकै आग्रहमा नवराजसहित १९ जना युवालाई लिएर किशोरी लिन जेठ १९ गते उनको घर जाँदा परिवार र स्थानीयले लखेटीलखेटी कुटेर हत्या गरेको आरोप लागेको छ।

कुटाइकै क्रममा नवराजको मृत्यु भएपछि नदीमा फालेको आरोप नवराजको परिवारको छ। घटनामा नवराजसहित टिकाराम सुनार, गणेश बुढा, लोकेन्द्र सुनार तथा सञ्जु विक, भेरी नगरपालिका–११ का गोविन्द शाही मारिएका थिए। उनीहरुको पोष्टमार्टम रिपोर्टमा शरीरभर निलडाम देखिएको उल्लेख थियो भने मृत्युको कारण पानीमा डुब्नु उल्लेख थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।