प्रतीकात्मक तस्बिर
काठमाडौं- सरकारले रेलमार्ग निर्माणलाई विशेष प्राथमिकता दिएको छ। सरकार विभिन्न रेलमार्ग निर्माणका लागि आगामी आर्थिक वर्षका लागि ८ अर्ब ६६ करोड रुपैयाँ बजेट विनियोजन गरेको छ। अर्थमन्त्री डा युवराज खतिवडाले संघीय संसदमा बजेट प्रस्तुत गर्दै उक्त रकम विनियोजन गरेका हुन्।
रेलमार्गको विकासबाट देशको आर्थिक सामाजिक विकासमा टेवा पुर्याउने उद्देश्यका साथ आर्थिक वर्ष २०६६–६७ देखि कार्यान्वयनमा आएको रेल तथा मेट्रोरेल विकास आयोजना मूलतः पूर्व–पश्चिम रेलमार्ग र सोको लिंक, केरूङ–काठमाडौं–पोखरा रेलमार्ग, काठमाडौं–वीरगंज रेलमार्गलगायत अन्य रेलमार्ग एवं मुख्य–मुख्य सहरहरूमा मेट्रोरेलको अध्ययन तथा निर्माण गर्ने गरी विभिन्न ६ स्थानमा अन्तरदेशीय रेलमार्ग निर्माणमा केन्द्रित छ।
बर्दिवास–निजगढ खण्ड (७० किमी) को २८ किमि ट्रयाक निर्माण सम्पन्न भएको र मेची महाकाली रेलमार्ग (९ सय ४५ किमी, लिंकसहित १ हजार २६ किमि) को विस्तृत अध्ययन प्रतिवेदन तयार भएको छ। निर्माणाधीन जयनगर जनकपुर बर्दिबास रेलमार्ग ६९ किमि मध्ये जयनगर जनकपुर खण्डको ३४ किमि निर्माण सम्पन्न भएको, रेल सेवा सञ्चालन गर्ने गरी रेल्वे नियमावली जारी भएको, जयनगर विजलपूरा रेल सञ्चालन गर्न भारतीय रेल्वे कम्पनीसँग रेल गाडी खरीद गर्ने सम्झौता भई रेल गाडी नेपाल आउने चरणमा रहेको छ।
विजलपूरा बर्दिवास रेलमार्गको २ किमि निर्माण कार्य सम्पन्न भएको छ। बर्दिवास निजगढ ७० किमि रेल मार्ग निर्माण मध्ये बर्दिवास लालवन्दी खण्डको ३० किमि क्षेत्रमा ट्रयाक निर्माण भइरहेको, २ सय २५ मिटर लामो कालिन्जोर पुल निर्माण कार्य सम्पन्न भएको छ।
१ सय ७५ मिटर लामो फुलजोर पुलको निर्माण कार्य अन्तिम चरणमा रहेको, बर्दिवास निजगढ खण्डको थप १४ वटा पुलको ठेक्का व्यवस्थापन भई निर्माण प्रारम्भ भएको, बर्दिवास निजगढ खण्डको वागमती पुलको ठेक्का सम्झौता भई निर्माण शुरु भएको र लालवन्दी निजगढ ४० किमि खण्डमा ट्याक वेड निर्माण ठेक्का आव्हान भई मूल्यांकन प्रकृयामा रहेको छ।
बर्दिवास निजगढ खण्डमा १८ वटा पुलहरूको फाउण्डेसन कार्यको ८० प्रतिशत काम सम्पन्न भएको छ। रसुवा काठमाडौं रेलमार्गको सम्भाव्यता अध्ययनको लागि चीन सरकारसंग बार्ता भई प्रक्रिया अगाडि वढेको छ। वीरगंज काठमाडौं रेलमार्गको सम्भाव्यता अध्ययनको लागि भारत सरकारसँग वार्ता भई प्रक्रिया अगाडि बढेको छ।
यस आयोजनाका लागि चालु आर्थिक वर्ष २०७६/७७ मा ७ अर्ब ६९ करोड ६९ लाख रुपैयाँ बजेट विनियोजन भएकोमा ६ महिनाको अवधिसम्म १ अर्ब ७४ करोड ५७ लाख रुपैयाँ अर्थात बजेटको २२.७ प्रतिशत खर्च भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789955860.webp)
-1789955351.webp)
-1786602170.png)
-1789631269.jpg)
