काठमाडाैं- बलिउडका प्रख्यात अभिनेता इरफान खानको निधनपछि बलिउडका हस्ती र उनका सहयात्रीहरुले दुःख व्यक्त गरेका छन्। मुम्बईको एक अस्पतालमा बुधबार इरफानले अन्तिम श्वास लिएका थिए।
उनी न्युरोएडोक्राइन नामका दुर्लभ क्यासर पीडित थिए। सन् २०१९ देखि उनी उपचार गराई रहेका थिए। केही समयअघि इरफानले आमालाई समेत गुमाएका थिए। लकडाउनका कारण उनी मुम्बईमै रहेका थिए। इरफानले केही हलिउड चलचित्रमा पनि अभिनय गरेका थिए।
कसले के भने
इरफानको मृत्युमा शोक व्यक्त गर्दै गायिका लता मंगेश्करले धेरै गुणी अभिनेता इरफान खानको निधनको खवरले आफू धेरै दुखी भएको ट्विटरमा लेखेकी छन्। उनलाई श्रद्धाञ्जली दिँदै उनले यस्ताे लेखकी हुन्।
अमिताभ बच्चनले पनि सामाजिक सञ्जाल ट्विटरमार्फत् इरफानको मृत्युमा दुःख व्यक्त गरेका छन्। उनले लेखेका छन् ‘इरफानको निधनको खवरले धेरै सताउने र उदास गर्ने छ। एक अद्भूत र प्यारो साथीलाई सिनेमा दुनियाँमा अहम योगदान दिने व्यक्ति छिट्टै बिदा भएको छ।’
फिल्म निर्देशक अनुभव सिन्हाले भर्खरमात्र उनको समय आएको तर इतिहासमा लेखाउनु पर्ने समयमा गुमाउनु परेको लेखेका छन्। २ वर्षसम्म उनले धेरै लडेको र अब थाकेकाले आराम गर्न भनेका छन्।
यस्तै अभिनेत्री सोनम कपुरले आफ्नो खराव दिनमा इरफानले बढाएको हौसला सम्झदै ट्विटरमा अन्तिम श्रद्धाञ्जली दिएकी छन्। उनले उक्त समयमा दिएको हौसला आफ्नो लागि अमूल्य भएको बताएकी छन्।
निर्माता तथा निर्देशक करण जौहरले एक कलाकारको रुपमा इरफानले धेरै गरेको बताएका छन्। आफूहरुले उनलाई धेरै याद गर्ने भन्दै बलिउडमा उनी सधैं रहने उनले लेखेका छन्।
यस्तै अभिनेता अक्षय कुमारले आफ्नो उमेरका सबैभन्दा राम्रो अभिनेतालाई गुमाएको बताएका छन्। इरफान खानको परिवारलाई सहनसक्ने शक्ति दिन भगवानसँग उनले आग्रह गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
