काठमाडौं–कृषि तथा पशुपंक्षी विकास मन्त्री घनश्याम भुसालले मन्त्रालयको कार्यभार सम्हालेको ४ महिनापछि बुधबार पत्रकार सम्मेलनमार्फत् आगामी योजनासँगै हालसम्म गरेका नीति तथा कार्यक्रम पनि प्रस्तुत गरेका छन्।
कृषि मन्त्रालय सम्हालेको लामो अवधिसम्म गुमनाम रहेका मन्त्री भुसालले यो अवधिमा आफूले ऐतिहासिक काम गर्न सफल भएको दाबी गरेका छन्।
कार्यक्रममा बोल्दै उनले कृषिलाई आकर्षित बनाउन आफूले सन्तोषजनक काम गरेको बताए।
सूचना संकलन, छलफल, भेटघाट लगायत कार्यक्रमलाई जोड दिई अपेक्षित परिणाम आउने गरी तयारी गरेको उनको भनाइ छ।
यस्ता छन् मन्त्री भुसालले सम्पादन गरेका मुख्य काम
- मन्त्रालय र मातहतका निकायहरुमा सुशासन प्रवद्र्धन गर्न कर्मचारी आचारसंहिता र व्यवस्थापनका सूचना प्रणाली लागू
- कृषि क्षेत्रको विकासका लागि अन्तरसम्बन्धित ऊर्जा, जलस्रोत, सिँचाई, उद्योग, वन र भूमि व्यवस्था मन्त्रालयसँग समन्वय
- संघीय र प्रदेश सरकारका बीच मन्त्रीस्तरीय ‘समन्वय संयन्त्र’ निर्माण
- रासायनिक मलको उपलब्धता र वितरणको प्रभावका व्यवस्थापन, चुहावट र ढिलासुस्ती रोक्न सफ्टवेयर प्रणाली, नयाँ निर्देशिका तयार
- पदाधिकारीविहीन रहेका कृषि सामग्री कम्पनी लिमिटेड, दुग्ध विकास संस्थान र दुग्ध विकास बोर्ड, चिया तथा कफी विकास बोर्ड, कफी विकास समितिमा खुल्ला प्रतिस्पर्धामार्फत पदपूर्ति
- दुई वर्षदेखि रिक्त रहेको नेपाल कृषि अनुसन्धान परिषदलाई पूर्णता
- प्रांगारिक तथा जैविक कृषि प्रवद्र्धनका लागि मन्त्रालयमा आबश्यक संरचना पर्यावरणीय कृषि प्रवद्र्धन एकाई स्थापना गरी काम सुरु
- नेपाल कृषि अनुसन्धान परिषद्मा वर्णशंकर जात विकास इकाई स्थापना गरी देशभित्रै बालीनालीका वर्णशंकर जात विकास सुरु
- उखु उत्पादक किसानलाई मन्त्रालयबाट दिँदै आएको अनुदान रकम किसानकै बैंक खातामामार्फत् उपलब्ध गराइने कार्यविधि सुनिश्चित
- गरिमा धानको नाममा आएको बीउबाट हुन गएको क्षतिबारे बीउ आयातकर्तालाई नगद जरिवाना र अनुमति प्रमाणपत्र निलम्बनको कारबाही
- तीन दशकभन्दा लामो समयसम्म अधावधिक नभएको कृषि तथ्यांक प्रणालीलाई भरपर्दो र विश्वसनीय बनाउन सूचना प्रविधिमा आधारित तथ्यांक प्रणाली विकास
- कृषि क्षेत्रको समस्या समाधान गर्न कृषिसम्बन्धी छुट्टै ऐन आवश्यक रहेकाले कृषि ऐन निर्माणको तयारी
- प्रधानमन्त्री कृषि आधुनिकीकरण परियोजनाको प्रभावकारिता र अबको कार्यादेशबारे गृहकार्य, शीतभण्डार निमार्णका लागि सम्झौता गरी पेश्कीसमेत लिएर निर्धारित समयमा सम्पन्न गर्नुपर्ने काम नगरेका ६ वटा कम्पनीहरुको सम्झौता रद्ध । धरौटीबाट पेश्कीवापतको रकम असुलउपर
- धेरै परिणाममा आयात हुने कृषि उपजहरु धान, मकै , आलुलगायत मुख्य बालीवस्तुहरुको उत्पादन बढाई आत्मनिर्भरता तर्फ केद्रित हुने वातावरण तय
- उन्नत नश्लका पशुपन्छी बीउविजन र विरुवामा मुलुकलाई आत्मनिर्भर बनाउन सरकारी फार्म केन्द्र र कृषि अनुसन्धान परिषद्अन्तर्गतका अनुसन्धान केन्द्र र साधनस्रोतको अधिकतम उपयोग गर्ने गरी कार्ययोजना निर्माण
- राष्ट्रिय कृषि नीति २०६१ परिवर्तित सन्दर्भअनुसार परिमार्जनका लागि प्रकृया आरम्भ
- संघीय प्रशासनिक संरचनाहरुमा व्यवस्थापन सर्भे गरी चुस्त र प्रभावकारी संगठन संरचना बनाउने कार्यको तयारी
- कृषि अर्थतन्त्रसँग सम्बन्धित नीतिहरुमा छलफल र अन्तरक्रिया गर्न मन्त्रालयमा नियमित नीति संवाद
- पशु कल्याण ऐन तयारीका लागि मन्त्रिपरिषदबाट स्वीकृति लिइ एक स्वास्थ्य रणनीतिको कार्यान्वयन
- खाद्य अधिकार तथा खाद्य सम्प्रभुता नियमावली र विषादी व्यवस्थापन नियमावलीको अन्तिम मस्यौदा निमार्णको तयारी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752043710.jpg)
-1749826086.png)
