काठमाडौ- नेपाल ट्रष्टको नाममा रहेको तर तत्कालीन मन्त्रिपरिषदको निर्णयको आधारमा ७ वर्षअघि व्यक्तिको नाममा गएको माततीर्थ र थानकोठाको १ सय ७२ रोपनी जग्गा फिर्ता ल्याउने प्रक्रिया सुरु भएको छ।
मंगलबार नेपाल ट्रष्टले पत्रकार सम्मेलन गर्दै स्वेतपत्र जारी गरेर उक्त जग्गा ट्रष्टकै मातहतमा ल्याउने कार्यको प्रक्रिया सुरु भएको जानकारी दिएको हो।
तत्कालीन प्रधानमन्त्री डा.बाबुराम भट्टराई नेतृत्वको मन्त्रिपरिषद्बाट उक्त जग्गा मोहीको नाममा कायम गरिएको थियो। नेपाल लाइभले यसको खुलासा गरेको थियो।
बाबुराम भट्टराई नेपाल ट्रष्टको संरक्षक र विजयकुमार गच्छदार अध्यक्ष रहेका बेला २०६९ साल कात्तिक २ गते मन्त्रिपरिषद् बैठकबाट करिब १७३ रोपनी जग्गा मोही तथा उनीहरुको हकवालाका नाममा नामसारी गर्ने निर्णय भएको थियो। नेपाल लाइभले यसरी जग्गा प्राप्त गर्ने मोहीहरूको विवरण समेत सार्वजनिक गरेको थियो।
नेपाल ट्रष्टका अध्यक्ष ईश्वर पोखरेलले मंगलबार जारी गरेको श्वेतपत्रमा उक्त जग्गा छिटै ट्रष्ट मातहत आउने उल्लेख छ।
डा बाबुराम नेतृत्वको सरकारले मोही खडा गरेर दिएको नेपाल ट्रष्टको जग्गा कानून बमोजिम ट्रष्टकै नाममा एकलौटी हुने दाबी गरिएको छ।
ट्रष्टले यसबारे अध्ययन गर्न गठित समितिले २०७६ जेठ ७ गते पेस गरेको प्रतिवेदनमा भूमि सम्बन्धी ऐन, बमोजिम ‘नेपाल सरकारको स्वामित्वमा भएको जग्गा कमाउने व्यक्तिलाई मोहीको हक प्राप्त नहुने उल्लेख छ।
सोही ऐन बमोजिम थानकोट, सतुंगल र मातातीर्थमा रहेको स्वर्गीय राजा वीरेन्द्र परिवारका नाममा रहेका जग्गा नेपाल ट्रष्टको कार्यालयको नाममा कायम हुनुपर्ने राय समितिले दिएको थियो।
भट्टराई सरकारले नेपाल ट्रष्टको नाममा कायम भइसकेका जग्गा व्यवस्थापन गर्ने सम्बन्धमा नेपाल ट्रष्ट ऐन, २०६४ को दफा १३ र दफा २४ ले व्यवस्था गरे बमोजिमको प्रकृया पूरा गर्नुपर्नेमा सो प्रक्रिया पूरा गरेको नदेखिएको समेत समितिले राय दिएको थियो।
मोही कायम भएका काठमाडौं जिल्ला साविक मातातीर्थ, थानकोट, महादेवस्थानलगायतका स्थानमा रहेको ट्रष्टको जग्गा पूर्ववत् अवस्थामा ट्रष्टकै नाममा कायम हुन आवश्यक देखिएको ठहर समितिले सरकारलाई बुझाएको प्रतिवेदनमा उल्लेख छ।
सम्बन्धित समाचार
नेपाल ट्रष्टको मातातीर्थ र थानकोटको १७० रोपनी जग्गा पनि व्यक्तिका नाममा [सूचीसहित]
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765689251.png)
-1764146706.png)
-1763721444.png)
-1765273665.jpg)
