काठमाडौं- नेपाल बैंक लिमिटेडको आठराई शाखा सञ्चालनमा आएको छ। आइतबारदेखि सञ्चालनमा आएको शाखाको प्रधानमन्त्री केपी शर्मा ओलीले डिजिटल प्रविधिबाट अपरेटिङ्ग सिष्टम कनेक्ट गरी शाखाको उद्घाटन गरेका हुन्।
बैंकले आठराईमा १७७ औं शाखा सञ्चालनमा ल्याएको हो। उद्घाटन समारोहमा ओलीले बैंकसँग कारोबार गरी आफ्नो आर्थिक उन्नति गर्न सबैलाई आह्वान गरे।
शाखा उद्घाटनपश्चात् संक्रान्ति बजारमा आयोजित समारोहमा नेपाल राष्ट्र बैंकका डेपुटि गभर्नर चिन्तामणी सिवाकोटीले अन्य प्रतिस्पर्धी बैंकहरुको तुलनामा नेपाल बैंकमा कर्जामा कम ब्याजदर हुनुका साथै निक्षेपको सुरक्षण र सहुलियतपूर्ण कर्जा सुविधाहरु उपलब्ध भएकोले बैंकिङ् कारोबार मार्फत आफ्नो व्यावसाय विस्तार गर्न र उद्यमी बन्न सबै वर्ग समुदायलाई अनुरोध गरे।
नेपालको पहिलो बैंक नेपाल बैंक लिमिटेडले ८३ वर्षको इतिहास बनाएको छ। बैंकमा नेपाल सरकारको ५१ प्रतिशत र निजी क्षेत्रको ४९ प्रतिशत शेयर हिस्सा कायम रहेको छ।
बैंकले देशको ६३ जिल्लामा रहेका १७७ वटा शाखाहरु, २६ वटा एक्स्टेन्सन काउण्टर तथा ११९ वटा एटिएम मार्फत बैंकिङ्ग सेवा दिँदैआएको छ र आगामी आर्थिक वर्षभित्र सबै जिल्लाहरुमा शाखा सञ्जाल पुर्याउने लक्ष्यका साथ कार्यहरु अगाडि बढाइरहेको बैंकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
