काठमाडौं- नेपाली राष्ट्रिय टिमका कप्तान ज्ञानेन्द्र मल्लले अमेरिका र ओमानसँगको त्रिदेशीय सिरिजपछि आफूहरुले टिममा सुधार गर्नुपर्ने विषय धेरै रहेको भए पनि मुख्य ब्याटिङमा नै केन्द्रित हुनुपर्ने बताएका छन्।
आइसिसी विश्व कप क्रिकेट लिग टु अन्तर्गत त्रिदेशीय सिरिजको अन्तिम खेलमा अमेरिकालाई ८ विकेटले हराएपछि कप्तान ज्ञानेन्द्रले अगाडिका खेलमा अझ सुधार गरेर बढ्नुपर्ने बताएका हुन्। सिरिजमा ओमानले गरेको ब्याटिङबाट पनि आफूहरुले निकै कुरा सिक्न सकिने उनको भनाइ छ।
‘अब लिग टुको अरु खेलका लागि हामीले ब्याटिङमा नै सुधार गरेर अगाडि बढ्नुपर्छ। ब्याटिङलाई कसरी सुधार गर्ने र सानो सानो रनको साझेदारीलाई कसरी अगाडि बढाउने ठूलो साझेदारी गर्ने भन्ने सिक्नुपर्छ। त्यसका लागि हामीले ओमानका ब्याट्सम्यानबाट पनि धेरै कुरा सिक्न सक्छौँ’ खेलपछि कप्तान ज्ञानेन्द्रले भने। सिरिजमा तीन शतक बनाएको ओमानको ब्याटिङ सुझबुझपूर्ण देखिएको थियो।
सिरिजको ठीकअघि प्रशिक्षक उमेश पटुवालको राजीनामाका सम्बन्धमा बोल्दै कप्तान ज्ञानेन्द्रले अब नेपाल क्रिकेट संघ क्यानले नै यस विषयमा सोचेर काम गर्ने विश्वास देखाए।
‘अब प्रशिक्षक उमेश पटवालले पनि राजीनामा दिइसक्नुभएको छ। त्यसको बारेमा हामीले त सोचेकै थिएनौँ। यो प्रतियोगिता सकिएको छ। अब क्रिकेट संघले टिमको आवश्यकता हेरेर काम गर्छ जस्तो लाग्छ’ उनले भने।
अमेरिकासँगको अन्तिम खेलमा ३६ रनको मात्र लक्ष्य पछ्याउँदा पनि आफूहरुले विश्व कीर्तिमानका लागि भन्दा पनि जितका लागि सोचेर खेलेको उनको भनाइ छ।
कीर्तिपुरस्थित त्रिवि मैदानमा भएको त्रिदेशीय सिरिजको पहिलो खेलमा ओमानसँग १८ रनले हारेको नेपालले दोस्रो खेलमा अमेरिकालाई ३५ रनले हराएको थियो। तेस्रो खेलमा ओमानसँग ८ विकेटले हारेको नेपालले अन्तिम खेलमा अमेरिकालाई ८ विकेटले नै हराएको हो।
अन्तिम खेलपछि ज्ञानेन्द्रले के भने?
सिरिजको अन्तिम खेलमा जितेर हामी सुखद अन्त्य गर्ने सोचमा नै थियौँ। खेल त्यहीअनुसार भयो। सन्दीप लामिछाने र सुशन भारीले दिएको सुरुवातले हामीले उनीहरुलाई कम रनमा नै रोक्यौँ। सोचेको भन्दा छिटो र राम्रो नतिजा आयो।
पछि ब्याटिङ गर्दा सहज जित नै थियो। जितले खुसी छौँ। यो सिरजबाट धेरै कुराहरु सिक्न पनि पाएका छौँ। हामीले केही नयाँ खेलाडीहरुमा राम्रो सम्भावना पनि देख्यौँ। टिमका रुपमा हेर्दा हामीले लिग टु का लागि अझ मेहनत र सुधार गर्नुपर्ने देखिन्छ नै।
अमेरिकालाई दुवै खेल हरायौँ। ओमानसँगको खेल पनि नजिक पुगेर हारेका थियौँ। त्यसले हामीले सिरिजमा ठीकै गरेका हौँ।
आजको खेलमा हामीले १० विकेटले नै जित्ने अवसर त थियो नै तर सुवास खकुरेल र मेरो विकेट छिटै गयो। हामीले बल गलत बुझ्न पुग्दा विकेट गुमायौँ। जे होस खेल जित्नु राम्रो कुरा छँदैछ। छिटो नै जित्न सक्यौँ। ३६ रनको लक्ष्य हुँदा अरु दबाब त केही पनि थिएन
अब लिग टुको अरु खेलका लागि हामीले ब्याटिङमा नै सुधार गरेर अगाडि बढ्नुपर्छ। ब्याटिङलाई कसरी सुधार गर्ने र सानो सानो रनको साझेदारीलाई कसरी अगाडि बढाउने ठूलो साझेदारी गर्ने भन्ने सिक्नुपर्छ। त्यसका लागि हामीले ओमानका ब्याट्सम्यानबाट पनि धेरै कुरा सिक्न सक्छौँ।
अब प्रशिक्षक उमेश पटवालले पनि राजीनामा दिइसक्नुभएको छ। त्यसको बारेमा हामीले त सोचेकै थिएनौँ। यो प्रतियोगिता सकिएको छ। अब क्रिकेट संघले टिमको आवश्यकता हेरेर काम गर्छ जस्तो लाग्छ।
यो पनि पढ्नुहोस् -
क्यानसँगको बेमेलले राजीनामा दिएको होइन : प्रशिक्षक पटवाल
सन्दीप लामिछाने भन्छन्- म आलोचनामा पनि सकारात्मक हुन्छु
अमेरिकामाथि ८ विकेटको जित, कीर्तिमान बनाउनबाट चुक्यो नेपाल
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1777595787.png)
