काठमाडौं– बौद्धस्थित समता अस्पतालमा क्लिनरको रुपमा कार्यरत २७ वर्षीया बिमला तामाङले अस्पतालमै आत्महत्या गरेको भेटिएपछि पक्राउ परेका ३ जना विरुद्ध जिल्ला अदालत काठमाडौंले जनही ३ लाख रुपैयाँ धरौटीमा छाड्ने फैसला सुनाएको छ।
गत असार ३ गते अस्पतालमै तामाङको झुन्डिएको अवस्थामा शव भेटिएको थियो। सोपश्चात् अस्पताल सञ्चालक उत्तम सञ्जेलकी श्रीमती कला सञ्जेलसहित अस्पतालकै कर्मचारी तीर्थ कुमारी श्रेष्ठ र संगिता केसी पक्राउ परेका थिए।
उनीहरु विरुद्ध मृतक तामाङका आफ्न्तले कर्तव्य ज्यान मुद्दामा किटानी जाहेरी दिएका थिए। त्यसपछि पक्राउ परेका उनीहरुलाई जिल्ला अदालत काठमाडौंले जनही ३ लाख रुपैयाँ धरौटी बुझाइ छुट्नसक्ने फैसला सुनाएको थियो।
तर, अदालतको आदेशअनुसार तीनै जनाले ३ लाख रुपैयाँ धरौटी बुझाउन नसकेपछि उनीहरुलाई केन्द्रीय कारागार, सुन्धारा पठाइएको महानगरीय प्रहरी परिसर काठमाडौंका डिएसपी होबिन्द्र बोगटीले जानकारी दिए।
मृतक तामाङले लेखेको 'डेथ नोट'मा हाल कारागार चलान गरिएका तीनै जनाको नाम रहेको फेला परेको थियो।
त्यसपछि आक्रोशित हुँदै तामाङका आफन्तहरुले अस्पतामा तोडफोड गर्दै नाराबाजीसमेत गरेका थिए।
तामाङको शव त्रिवि शिक्षण अस्पतालमा पोष्टमार्टम गरिएको थियो। पोष्टमार्टम रिपोर्टमा पनि आत्महत्या गरेको देखाएको थियो। (फाइल तस्बिर)
यो पनिः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
