जिल्ला प्रशासन कार्यालय नुवाकाेटमा सेवाग्राही न्यून

Nepal Live

विदुर– नुवाकोटको विदुरस्थित जिल्ला प्रशासन कार्यालयमा कर्मचारी भए तापनि सेवाग्राही भने न्यून छन्। 

नेपाल सरकारले सरकारी कर्मचारीलाई दसैं विदा कटौती गरेर नागरिकलाई सरकारी कामकाजमा सुविधा दिने उद्देश्यले कर्मचारीलाई विभिन्न कार्यालयमा खटाए तापनि प्रशासन कार्यालयमा भने आज सेवाग्राही धेरै आएनन्।

'बडादसैंको बाह्रौँ दिन पनि कार्यालयमा कर्मचारी आएका छन्, तर अरु दिनभन्दा आज सेवाग्राही धेरै कम छन्,' प्रमुख जिल्ला अधिकारी उद्धवबहादुर थापाले भने,

'अरु दिनमा नागरिकता र राहदानी बनाउनेको भीड लाग्ने गथ्र्यो, एकै दिनमा नयाँ र पुराना प्रतिलिपि गरी ७० देखि ८० वटा जति नागरिकता बन्ने गथ्र्योे तर आज भने नयाँ नागरिकता तीन र प्रतिलिपि एउटा गरी जम्मा चार वटा बनेको छ, राहदानी १० वटा र सिफारिस तीन वटा गरी जम्मा १३ वटा मात्र बनेको छ।'रासस

तपाईको प्रतिक्रिया

यसमा तपाइको मत


सम्बन्धित समाचार