सरकारका गलत निर्णयमा माधव नेपालले अारती गर्नुपर्थ्याे?

Nepal Live

दशैं–तिहारका बेला बम्पर उपहारका अनेक कार्यक्रम सार्वजनिक हुन्छन् । अहिले चाहिँ पार्टीमा त्यस्तै बम्पर खुलेको छ– माधव नेपालको सकेजति विरोध गर्नुहोस्, नम्बर बढाउनुहोस्। त्यसका लागि सामाजिक सञ्जालमा लेखेर, सञ्चारमाध्यममा अन्तर्वार्ता दिएर, बुस्ट गर्नेगरी लेख लेखेर– जुन हिसाबले सकिन्छ, त्यही हिसाबले सत्तोसराप गर्दा हुन्छ। 

यसो गर्दा पार्टीमा पद प्राप्त व्यक्ति छ भने त्यस पदका लागि उसको खास योग्यता झल्किन्छ, पार्टी एकता भइरहेको यस चरणमा कुनै पार्टी वा जनवर्गीय संगठनमा इच्छा लागेको पद पाउन सकिन्छ। सरकारी नियुक्तिका लागि व्याकुल छ भने उसको उचित मूल्यांकन हुन्छ।

जागिर धरापमा पर्छ कि भनेर चिन्ता गर्दै अरुको पतनको दिउँसै सपना देख्ने साथीहरुलाई चेतना भए हुन्छ, तिनको व्यक्तित्व बन्नमा पनि कुनै न कुनै रुपमा माधव नेपालकै योगदान होला। हिजो केपी ओली कमजोर हुँदा ती कहाँ थिए? तिनले बोल्ने भाषा कस्तो थियो? जनकपुर महाधिवेशन ताका, बुटवल महाधिवेशन ताका र त्यसपछि माधव नेपाल सत्तामा हुँदा तिनको के हालत थियो? ती माधव नेपालका वरिपरि कसरी परिक्रमा गर्दथे? हिसाब–किताब अरुले पनि राखेका होलान्।

जहाँसम्म माधव नेपालले सरकारको विरोध गरे भन्ने चर्चा छ, त्यसमा दम छैन। सरकारले अझै राम्रो काम गरोस्, हामीले नसके कसैले सक्दैन, कम्युनिस्ट पार्टीको विकल्प छैन भनेर संसद्मा बोलेको कुरालाई विषयान्तर गर्दै जीविका चलाउनेहरुलाई धेरै भन्नु केही छैन। तर, बानेश्वर चोकमा उभिएर सर्वसाधारणलाई सोध्दा हुन्छ– सरकारका बारेमा आम मानिसहरुको के धारणा छ?

पक्कै पनि सरकारमा पदमा बस्नेहरुलाई जताततै राम्रो लाग्छ। तर, वास्तविकता यति मात्र होइन नै भन्दा यत्रो हमला? के त्यसो भए माधव नेपालले दूरसञ्चार प्राधिकरणमा दिगम्बर झाको नियुक्ति एकदम राम्रो छ भनेर नारा लगाउनुपथ्र्यो? के पुनर्निर्माण प्राधिकरणमा सुशील ज्ञवाली अनि बायुसेवा निगममा झापाका मदन खरेल, भारतका लागि राजदूतमा निलकण्ठ उप्रेतीहरुको नियुक्तिका पक्षमा आरती उतार्नुपथ्र्यो? जनताको अपेक्षा र पार्टीको घोषणापत्र लत्याउँदै ल्याइएको बजेटका पक्षमा नाराबाजी गर्नुपथ्र्यो?

कुरा सरकारको होइन, यतिबेला पार्टीको हो। पार्टीमा निर्वाचित भएर आएका जिल्ला कमिटीका नेताहरुलाई उपेक्षा गरेर आफू निकटका व्यक्तिहरुलाई नियुक्ति गर्ने कुरा माधव नेपालले स्वीकार गर्नुभएको छैन। उहाँ अध्यक्षसँग सल्लाह गरेरै विदेश गएको बेला त्यही भएर आगलागी भए जस्तो, तत्कालै दमकल चाहिहाल्ने गरी सचिवालयको बैठक बोलाएर माधव नेपाल पक्षलाई पूरै उपेक्षा गरेर प्रदेश कमिटीहरु बनाइएको छ। यसमा उहाँको विरोध छ। 

अहिले कसैले सरकारको विकल्प खोजेको छैन। चार बुँदे सहमति अनुसार केपी ओलीलाई अझै दुई वर्ष सरकार चलाउने सुविधा छ भन्ने कुरा माधव नेपाललाई पनि थाहा छ। आक्रमणलाई तेज पार्न, पार्टीमा एकलौटी गर्न र आफ्नो अयोग्यताहरुलाई ढाकछोप गर्न अरुलाई हेपेर जति नै अन्तर्वार्ता दिए पनि, नांगै मैदानमा उतारे पनि सत्य छोपिँदैन।

हामी पार्टी एकताको चरणमा छौँ। यतिबेला विवाद बढाएर कसैलाई फाइदा छैन। तर, पार्टीका जिम्मेवार तहमा बसेका नेताहरुलै मर्यादा नाघेर मैदानमा उत्रिएपछि प्रस्ट भए हुन्छ, प्रतिवाद पनि त्यही तहकै हुन्छ। किनभने, हाम्रो पार्टीको विधानमै लेखिएको छ, ‘पार्टीका सबै सदस्य समान छन्।’

फेरि पनि नेताहरुबीच यतिबेला अझ बढी सुझबुझ र सहमति आवश्यक छ। विधि बन्नै बाँकी छ, नेतृत्वका बीचमा सहकार्य अनिवार्य छ। हिजो विहान मात्रै अध्यक्ष पुष्पकमल दाहाल ‘प्रचण्ड’ ले सिंगापुरबाट फोन गरेर माधव कमरेडसँग ठीकै कुरा गर्नुभएको छ। हुन त यसरी पार्टीभित्रकै नेताहरुबीच कुरा हुँदा पनि सत्ताका ध्रृतराष्ट्रहरुले ‘आफ्ना’ का विरुद्ध ‘पराइसँग सल्लाह गरेकाले’ उनीहरुको ‘पतन हुने’ आरोप लगाउन बाँकी राख्दैनन्। तर पनि, परिस्थिति सम्हालेर एकतालाई जोगाउनैपर्छ, कार्यकर्ताको स्वाभिमानलाई उँचो पार्नैपर्छ।

(रिजाल नेपाल कम्युनिष्ट पार्टीका केन्द्रीय सदस्य हुन्।) 
 

प्राप्त प्रतिकृयाहरू

रत्न महर्जन
नेताहरूको अभिव्यिक्ति र कार्यको विरोध गर्दा अाफू भोली यही पार्टीमा रहेर काम गर्नु पर्छ भन्ने हेक्का सबै नेता कार्यकर्ताहरूले राख्दा वेश हुन्छ, यहाँ कोही दूधले धोइएका पक्कै छैनन् । एउटा नेताको चाकडी गर्न अर्को नेताको किन विरोध नै गर्नु पर्छ र ?

देवि वाग्ले
यसो गर्दा पार्टीमा पद प्राप्त व्यक्ति छ भने त्यस पदका लागि उसको खास योग्यता झल्किन्छ, पार्टी एकता भइरहेको यस चरणमा कुनै पार्टी वा जनवर्गीय संगठनमा इच्छा लागेको पद पाउन सकिन्छ। सरकारी नियुक्तिका लागि व्याकुल छ भने उसको उचित मूल्यांकन हुन्छ। याे भनी रहंदा बाँकि चार अाैंला तपाईं तर्फनै छन भने पछि तपाईकाे उदेश्य त्यहिनै हाे भन्ने हामीले बुझाैं त!!!

दमन राज
राज्य सञ्चालनमा सार्वजनिक नैतिक छवि सवभन्दा अहम कुरा रहेछ । मार्सि प्रकरणमा विवादास्पद व्यक्तिसँगकाे सहकार्यमा जनश्वास्थमाथि खेलवाड गरेकाे प्रतक्ष देखेपछि क्षयीकरण भएकाे अाेली महाेदयकाे सार्वजनिक त्यस यता दिनानुदिन खस्कदैछ । त्यसपछि उहाँका जनमत विरूध्दका संवेदनाहीन अभिव्यक्तिले यसमा वढाेत्तरि नै गरेकाे छ । कुनै राजनीतिकर्मी जनमतकाे निरपेक्ष रहन सक्दैन त्यसर्थ पार्टिमा विराेधकाे स्वर उठ्नु स्वाभाविक हाे, यसलाई अाेली महाेदयले अहंकार प्रयाेग गरेर सच्च्याएनन् भने मुलुक मध्यावधि चुनावमा गएर अस्थिरताकाे भुमरिमा फस्ने टट्काराे दृष्य अहिल्यै देख्न सकिन्छ । मान्छेकाे स्वविवेकलाई भजनमण्डलीकाे डफ्फाले छेक्न सक्ने भए, संसारमा कुनै परिवर्तन संभव हुने थिएन

मोहन आचार्य
जान्नेका हातमा बाजा पर्नुपर्छ, धुनहरु तरङग्गित भइहाल्छ। फरक यति हो कुन धुन उत्सब र कुन धुन बिरह मा बजाउने/ गाउने हो । ने क पा को हालको बाजा गाथा बिरह को हो कि उत्सबको जन लाइ ठम्याउनै गारों।"नलेखिएको ईतिहास" पो झलझलि भो।।

जिवन प्रसाद अाचार्य
विगतकाे सरकारले थुपारेकाे फाेहरकाे डङगुर सफा गर्न अझै कति समय लाग्ने हाे सरकारले स्पष्ट पाराेस हैन भने जनताले महसुस गर्ने गरि काम हुन सकिरहेकाे छैन निरास छन अाफुलाई कम्युनिष्ट भन्न पनि लाज मानिरहेका छन ।माधव कमरेड माथि खनिनु जायज कदापि मानिदैन ।हग न वाटाे छाेडकाे अन्त्य हुनै पर््छ्छ । पाटि के पि र पर्चण्डकाे सति जान हुदैन ।वजेट कार्यान्वयन सुरु भएकाे छ पर्भावकारि कार्यान्वयन हाेस कम्युनिष्ट पाटि जनताकाे विश्वास जित्न सफल रहाेस शुभ कामना ।

सिद्दिचरण भटराई
हो तपाईले ठिकै भन् भो । अहिले सरकारका कमजोरि सदनमा र पार्टीको कमजोरि स्थायि कमिटी सदस्य विचमा राख्नु पार्टि प्रणालीमा नाजायज हदै होईन

bharat kumar thaa
यी दुइगुटका हनुमानहरूको कुरा सुन्दा कन्सिरी तातेर आउँछ जनता एमाले र एमाओवादी लहडमा र भएका होइनन् कम्युनिस्ट पार्टी ले देश र जनताका लागी केही गर्छ कि भनेर लागेका हुन न कि नेताका अाफन्त र चाकरी बाजका लागि , सरकार पार्टी विधि संगत चलाउनु पर्छ मनपरि होइन सबैलाई हेक्का रहोस् =आमजनताको गुनासो

कुलराज चालिसे
म कामरेड हाेईन र कसैलाई कामरेडकाे संज्ञाले सम्बाेधन गर्न सक्दिन । म अहिलेकाे सत्तारुढ दलहरूलाई मत हालेकाे मतदाता पनि हाेईन । नेपाली जनताले २०१५ सालकाे निर्वाचनमा कुनै एक दललाई दुई तिहाई मत दियाे । विजयीदलले प्रजातन्त्रकाे रक्षा गर्न सकेन । २०४७ सालमा बहुमत पुग्ने गरेर कुनै एकलाई मत दियाे, त्याे पनि धान्न सकेन । उक्त दुवै सरकार ढल्दा पनि देशमा राजतन्त्र भएकाेले जस्ताे भए पनि जनताकाे मताधिकार खाेसिएकाे थिएन । देशमा गणतन्त्र स्थापना भएपछि बहालवाला प्रधानन्यायाधिसकाे नेतृत्वमा सरकार बनाएर हामीले दलहरूकाे नालाएकीपन प्रदर्शन गरिसकेका छाै । अहिले पनि दुई तिहाई भन्दा बढी समर्थनकाे सरकारले छिद्रहरू टाल्नकाे साटाे अापसमा द्वन्द गरेर सरकार ढल्याे भने फेरि निर्वाचन गराईदिने राजा छैनन् । हामीलाई मताधिकारकाे रक्षा चाहिएकाे छ । वली नेतृत्वकाे सरकार अल्पमतकाे हाेईन भने विगतमा विवादस्पद भएकालाई राजनैतिक नियुक्ति दिन हुदैनथ्याे । बलत्कार र हत्याका घटना बढन हुदैनथ्याे । राउत तथा ठाकुरले देशकाे विरुद्ध बाेल्दा तुरुन्त कारवाही हुनु पर्दथ्याे । सरकारले बाेलेका कुरा प्रभावकारी रूपमा कार्यान्वयन हुनु पर्थ्याे । त्यसैले प्रतिपक्ष तथा सत्ता पक्षकै ईमान्दारले अभिव्यक्त गरेका भावना सरकार गिराउन भन्दा टिकाउन गरिएका हुन् । तपाईहरू सत्तापक्षका समर्थक भएर पनि गैह्रजिम्मेवार अभिव्यक्ति दिएकाे सुहाएन । हाम्राे मतकाे कदर गर्न सिक्नुहाेस् । हाम्राे मताधिकार हनन हुन सक्ने कुनै हरकत नगर्नु हाेस् । हामीलाई तपाईहरूकाे माया नहुदा पनि सम्बिधानसभाले बनाएकाे सम्बिधानकाे माया छ ।

Basanta
Rijal ji Ali badi Madhav kamred KO hanumangiri bhayo ki .samsad maa bolne Bela bhayeko ho Ra ? Yehi Kura parti maa rakheko bhaye raamro hunthe na Ra ?

युवा अावाज
कम्युनिष्ट पार्टीको अान्तरिक जीवनमा अात्माअालोचना सहितको अालोचनाको अस्तित्व छ । कोही कार्यकर्ता नेतृत्वको बिरुध्द सृखलाबध्द र सार्बजनिक बिरोधमा निरन्तर चिच्याई रहन्छ भने उ कसैको तलब वा घुसपैठबाट संचालित छ भन्न हिच्किचाउन पर्दैन । के उ पार्टी र संस्थापनका राम्रो पक्ष एउटै देख्दैन ? सरकारका बाध्यता सिमा र भईरहेका राम्रा काम स्वीकार्नै चाहादैन ? के त्यस्तो अंधबिरोधलाई अनुसासन लाग्दैन ? उसका पछाडीका रहस्य खोतल्नै पर्छ । पार्टीमा यो अराजकता कुनै पनि हिसाबले क्ष्यम्य हुदैन । माधव नेपालले पनि यश प्रकारको उदण्डतालाई संरक्षण गर्न नसक्ने परिस्थिति बन्छ । पार्टी बिरोधी अपराध र कुकर्मको हिसाब किताब हन्छ भन्ने चेतना भया ...

राजेन्द्र बिक्रम कुँवर
दुनियाँ यति सचेत र जानकार छ कि कोहि कसैको भजनका खातिर रचीएका पंतिबाट कोहि भ्रमित हुनेवाला छैन, यो माटोमा जन्मिएर ०५८ पछि मात्रै बुझ्ने भएको मान्छेले पनि माधव नेपाल प्रधानमन्त्रीको कुर्सिका लागि गरेका वान्छनिय/अवान्छनिय हर्कत, पार्टी तेस्रो स्थानमा मरिच जसरी खुम्चिनु परेको बिगत, आफ्नै सरकार र नेतृत्व बिरुद्ध पार्टी पद्धति र अनुशासन बिपरित संसदमा पटक पटक गरेको बिसबमनलाइ राम्रो सङ हेक्का राखेका छन । १५/२० बर्स पार्टी कमान्ड र प्रधानमन्त्रीको कुर्सी समाल्दा रास्ट्रले सम्झनलाएक काम गर्न नसक्नेले बड्ता रुवाबासी नगरेकै राम्रो । गलत हर्कतको बचाउ गर्न औपचारिक धर्म निभाए पनि काँधमा सिनो बोक्दा काँध नै गनाउने कुरा बिस्णु रिमाल ज्युले हेक्का राखे जाती होला ।

तपाईको प्रतिक्रिया

यसमा तपाइको मत


सम्बन्धित समाचार