इजरायलमा १२ वर्षदेखि बल्झिइरहेको दर

 दिपिका भुसाल

Nepal Live

आमा, मेरो आगाडि एउटा मनहुस रात चुकपोते भएर घोप्टिएको छ। संसार निदाउने तरखर गर्दैछ तर म भने आफ्नो जिम्मेवारी पूरा गर्न अनिंदो तैनाथ छु । यो पनि मेरो जिम्मेवारीकै एउटा पाटो हो। पापी पेट पाल्नुपर्ने बाध्यताबाट सुरु भएको जिम्मेवारी। कसैको अगाडि ‘केहि गर्ने’ भएर देखिनुको रहरबाट सुरु भएको मेरो जिम्मेवारी। अभावको अगाडि आफूले जन्माएका सन्तानले घुँडा टेकेको देख्न नसकेर सुरु भएको जिम्मेवारी अथवा आफ्नो खुट्टामा आफैं उभिएर संसारलाई ‘ई हेर, मैले पनि केही गर्न सक्छु’ भनेर देखाउने हुटहुटीले थोपरेको जिम्मेवारी। जे भने पनि यसरी तैनाथ हुनु मेरो कर्म हो, मेरो जागिर हो र मेरो कमाइको जरिया हो। तिमी कुरा बुझ्छेउ नि मेरी आमा!  

विदेशी भूमि त्यसमाथि बिरामी र जीर्ण रोजगारदाताको स्वास्थ्य र सुरक्षाको जिम्मेवारी वहन आफैंमा चुनौतीपूर्ण काम हो। घडीले त्यस्तै बाह्र बजाएको हुनुपर्छ। मध्यरातमा अहँ पटक्कै सुस्ताउँदैन यो सहर। बरु झन्–झन् जतिजति रातलाई जवानी चढ्दै जान्छ यो सहर उति नै तन्नेरी भएजस्तो देखिन्छ। सहरका बीचोबीच अवस्थित यी सुपरमार्केटहरु झिलिमिली बत्तिको उज्यालोले रंगीन हुँदै जान्छन्। खासमा कहिल्यै ननिदाउने सहर हो यो। म बाल्कोनीबाट एकटकले रंगीन सहर नियाल्छु। कतै कुनै कुनामा आफ्ना खुसीहरु पनि रंगीन अवस्थामा भेटिन्छन् कि भनेर, म तिम्रो अनुहारमा मेरो खुसी भेटाउँछु। सहरको उज्यालोमा पर कतै तिम्रो प्रतिबिम्ब पो देखिन्छ कि भनेर नजर दौडाउँछु।  

म रातको समयमा खाना खाँदै मोबाइल चलाउँदै छु। खाना त के खानु, गाँस मुखमा पुग्नु अगाडि अरु कस–कसले खाए होलान् अथवा कस–कसले खाने बेलामा मलाइ याद गरे होलान् भनेर टोलाउँदै आधा खाना चिसो भएर जान्छ। आज दिउँसोदेखि नै हिक्क–हिक्क बाडुल्की लागिरहेको छ। पक्कै तिमीले धेरै सम्झियौ, यति जोडसँग नसम्झ न आमा! यता तिम्री छोरीलाई गाँस निल्न गाह्रो भइसक्यो

म पनि दर खाँदैछु आमा! हुन त यस्ता फगत सम्झनामा हराएर दुई गाँस खाना उभिएरै निल्नुलाई पनि कसरी दर भन्न सकिएला र? केही नखाई प्राण पनि त धानिन्नँ। पेट भरियो भने पो सकुँला आफूप्रति आशावादीहरुको घाउमा मल्हम लगाउन। माया गर्नेहरुको ओठमा हाँसो छर्न र लामो यात्रा तय गरेका तिम्रा कलिला नातिनीहरुको लागि सामल जुटाउन। 

आज गाउँघरका चेलीहरु गहनामा सजिएर दाजुभाइ र बाबाको हात समातेर आमाको हातबाट बनेको दर खान माइत जाने दिन। पराया घरमा हुँदाका वर्षभरिका दुःख आमाको काखमा बिसाउने दिन। आज अबेरसम्म नाँचगान गरेर आमाकै काखमा निदाउने दिन। मनमा भएका सम्पूर्ण दुःखलाई कुनामा मिल्काएर खुसी हुने दिन। मनका भारी बिसाएर हल्का हुने दिन। यो संसारमा अनुपम दिन कुनै छ भने त्यो दर खाने दिन नै हो र अनुपम स्थान कुनै छ भने त्यो आमाको काख नै हो।

बाह्र वर्ष भन्दा बढी भयो आमा! म चाहेर पनि तिम्रो काखमा लुटपुटिन पाइनँ। न आमा बनेर छोरीहरुलाई काखमा निदाउने बनाउन नै पाएँ। न चाहेर पनि तिमीले पकाएको दर खान पाएँ न छोरीहरुलाई खुवाउन नै सकें। परिबन्द भनेको यही त होला। तर पिर नगर आमा, तिम्री छोरी पैसा कमाउँदै छे। सुन्दर भविष्य कोर्न तिमीले पकाएको दर माया मारेर पैसा कमाउँदै छे भनेर चित्त बुझाऊ।   

म जान्दछु, पैसा सबैथोक होइन, तिमीले सिकाएको पनि त्यही हो। हामी सबै रित्तै आएका हौं, रित्तै जाने निश्चित छ। तर, रित्तै हुँदाकी तिम्री छोरी र अहिलेकी तिम्री छोरीको हैसियतमा आकाश–जमिनको फरक छ। कैयौं पटक म अभावमा घिसारिएँ, लतारिएँ र अपमानित भएँ। त्यो मेरो कहालीलाग्दो समय तिमीलाई सम्झना होला नै। हुन त कसरी मेटिन्छन् र ती चोटहरु। मलाई लागेका हरेक चोटमा पीडा त तिमीलाई नै हुन्थ्यो। काँडा निस्के पनि खिल त बल्झिरहन्छ नि होइन र? 

अहिले समय फेरिएको छ आमा। मिहिनेतको कमाइमा तिम्री छोरी शिर ठाडो पारेर बाँच्नसक्ने भएकी छे। अपमानले विक्षिप्त हुन नपर्ने भएकी छे। दर खान नपाए पनि स्वाभिमानले पेट भर्न सक्ने भएकी छे। अहिलेलाई यत्तिमै खुसी हुनु। समय आउला अनि म पनि तिम्रो काखमा निदाउन पाउँला, भगवान्ले त्यो दिन त कसो नजुराउलान्!     

हुन त प्रविधिले मान्छेलाई टाढा भएको अनुभूति दिएको छैन। दैनिक आमासँग भिडियो कल गरेर सँगै भएको अनुभव गरिरहेकी छु। दैनिक आमाका निर्देशन अनि आशिर्वादले ओतप्रोत हुन पाइरहेकी छु। त्यसरी नै छोरी हरुसँग पनि दैनिक अनुहार हेरेर बोल्न पाइरहेकी छु। दिदीबहिनीसँगको सामिप्य महसुस गर्न पाइरहेकी छु। तर, पनि त्यो आमाको काखको न्यानो मोबाइलबाट छिरेर यो उराठ ठाउँसम्म आउन सक्दैन। न मैले मेरो वात्सल्यलाई नै कुनै डिभाइसको एप्सबाट छोरीहरुसम्म पुर्‍याएर उनीहरुको कपाल सुम्सुम्याउन सक्छु। उफ् यो दुरी! उफ् यो दर!
 

हाल इजरायल

प्राप्त प्रतिकृयाहरू

Ati ramro man mutu 6une
Ati ramro man mutu 6une

Bed Bist
एकदम मनछुने गरि लेखिएको

Bhim
Aahaa!!!sheexit Naaree.Meetho vasa.Feyree pani lekhdai garnu hola hai?Nikai barsa vayexa..aba chahi nepal ghar aaunus hai.

Saranrranabhat
Katie ramro vanai yo cheliko timi jaha vayepani malaipani samjhha katai dajubhai veti halxauki?

yam nath gaire
Bideshi bhumi ma aaune feelings n truth pani ho ramro lagyo

janaki sharma
nothing in life is to be remember but all is to be done .no one understand your feeling but read and keep up it but if you became a greate that would be a real story that may become ..................

basanta
Marmik ra yrthartha ma aadharit pida lai kalam ko Sahara le sundar tarikabata utarnu vayo man xoyo.

Ananta
तपाइले जुन भाब प्रकट गर्नुभएको छ देरै राम्रो छ ,तपाईं भाबनाका लहर हरुमा दुबिइ रहदा केही आनन्द त महसुस हुन्छ त्यो सबै पुर्ण होइन ,आध्यात्मिक गहराइमा जुन्दिन प्रवेश गर्नु हुन्छ त्योदिन ! ! !म पनि दुबै,कतार ,ईन्डिया मा बस्दा कति बगे यस्तै २ त्यो भाभहरुमा ! अहिले पो था भयो !

Ananta
तपाइले जुन भाब प्रकट गर्नुभएको छ देरै राम्रो छ ,तपाईं भाबनाका लहर हरुमा दुबिइ रहदा केही आनन्द त महसुस हुन्छ त्यो सबै पुर्ण होइन ,आध्यात्मिक गहराइमा जुन्दिन प्रवेश गर्नु हुन्छ त्योदिन ! ! !म पनि दुबै,कतार ,ईन्डिया मा बस्दा कति बगे यस्तै २ त्यो भाभहरुमा ! अहिले पो था भयो !

Nilkantha guragain
Yestai ho kehi pauna kehi gumaunu psrx nai j vaye pani lekh paddha ma variyera aayo

Sanjeeb
एकदम मनछुने गरि लेखिएको अनुभुती ।

kamaloli
वाह गजवको

shyam gouli
K lekhemo yeti lamo katha ???.

R p Awasthi
So creative & hounarable aspect. well,

Bishnu vai
Dharai lai yasto vaxa dhairrai garnus

jogen subba
Lekha .man xune xa ......I like it .

राज क्षेत्री
दिपिका जि. मर्मिक लेख ।मर्म इस्पर्सी तर तपाईं को त केही आसा लाग्दा र उज्जयला दिन हरु को सुनौलो बिहनी को किरण देखीन थालेको रहेछ त्यसै म आलिकती भय पनि खुशी को महसुस हुन थलेछ तर हेर्नु त हामी जस्ता लाखौ दाजु भाइ दिदी बहिनी हरु खाडी मा बर्सौ बर्ष बितिसक्दा पनि घर परिवर लाई येक छाक मिठो र यक सरो राम्रो लुगा मै पनि सोच्नु पर्नी आबस्थ। त्य्सैले आफ्नो उजल्ला दिन लाइ सम्जियर ऐलेका दुखहरु भुलीदिनुस यस्तो तिज र तिहार फेरि पनि आउछन् त्यति बेला हासी खुसी मनाउला । हाप्पी तिज .........खुशी रहनुस, सुखी रहनुस ।

Dipendra Khatri
Malai sarai man paryo yestai yestai lekh haru prakasit garnu hola

Chiran
This is very nice heart touching message to all Thank you for your courage and continuation to make success in your life

babu ram thapa magar
Wowoooohhhh..very good chha. thanks for thats..I really love it.bze same her.

shali gram Bhattarai doha Qatar dekhi
Ramro xa samaye sandarvik. Harak Nepali chali ko dukha ma thorai malam lagaunu kam hunxa

Purna tiwari
Good

Chhaka bahadur majhi
Verry good pafames god lock

खुमराज पौडेल `झट्टमायालु´
लेख अत्यन्तै कारुणिक र लाखौं पर्देशी हरुको मन मुटु छुने किसिमको छ लेखक लाई सलाम छ

तपाईको प्रतिक्रिया

यसमा तपाइको मत


सम्बन्धित समाचार