काठमाडौं- यमपञ्चकको तेस्रो दिन बिहीबार साँझ धनधान्यकी देवी लक्ष्मीको आराधना गरी लक्ष्मीपूजा मनाइएको छ । लक्ष्मीपूजाका लागि घरको सबै ठाउँ सफासुग्घर पारेर फूलहरुले सजाई साँझ दीपावली गर्दै लक्ष्मीको स्वागत गरियो।
लक्ष्मीलाई स्वागत गर्न मूलढोकादेखि पूजाकोठासम्म गाईको गोबर र रातोमाटाले पोतेर चामलको पिठो तथा अबीरले पैताला बनाई केराको सुत्लामा बत्ती बाल्ने चलन छ । लक्ष्मीको स्वागतमा मूलढोका सजाउँदै विभिन्न रङको मण्डल बनाएको पनि देखियो । लक्ष्मीपूजा गरेपछिको साँझ दीपावलीले राजधानी धपक्क बल्यो।
दीपावलीपछि गरगहना, पैसा, रोटी, फलफूल चढाएर गृहिणीहरुले लक्ष्मीको मूर्ति वा तस्बिरमा पूजा गरे । राजधानीमा लक्ष्मीपूजा गरेर यसरी लक्ष्मी भित्र्याइयो:
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।