काठमाडौं- विवादित चिनियाँ जहाज खरिद प्रक्रियाका ‘प्ले मेकर’ व्यवसायी सुरज वैद्यलाई सरकारले भिजिट नेपाल २०२० को राष्ट्रिय संयोजक बनाउने तयारी गरेको छ।
_x000D_
_x000D_
प्रधानमन्त्री केपी ओलीको ठाडो निर्देशनमा संस्कृति, पर्यटन तथा नागरिक उड्डयनमन्त्री रवीन्द्र अधिकारीले व्यवसायी वैद्यलाई संयोजक बनाउने गरी मन्त्रिपरिषदमा प्रस्ताव लैजाने तयारी गरेका छन्। ‘व्यवासयी वैद्य भिजिट नेपाल २०२० को संयोजक बन्ने पक्कापक्की भइसकेकको छ’, मन्त्रालयका एक उच्च कर्मचारीले भने, ‘त्यसैले मन्त्रीज्यूले आवश्यक प्रक्रिया अगाडि बढाइरहनु भएको हो।’
_x000D_
_x000D_
व्यवसायी वैद्यले आफू संयोजक हुने निर्णय नभइसकेकाले अहिले नै केही प्रतिक्रिया नदिने बताए। तर, उनले भने, ‘पर्यटन विकासमा सबैलाई एकसाथ लिएर काम गर्ने इच्छा छ।’
_x000D_
_x000D_
नेपाल एयरलाइन्सले २०७० मंसिरमा चिनियाँ जहाज खरिद सम्झौता गर्दा चिनियाँ जहाज वाई १२ र एमए ६० जहाज खरिद गर्दा उनले प्रभावकारी भूमिका निर्वाह गरेका थिए। निगम उच्च स्रोतका अनुसार जहान खरिद प्रक्रियाका बेला वैद्य एभीआसी इन्टरनेशनल चाइनाका एजेन्ट थिए। र, अहिले पनि उनी सोही कम्पनीका एजेन्ट रहेको स्रोतको दाबी छ।
_x000D_
_x000D_
यसरी खरिद गरिएको चिनियाँ जहाजको ‘अपरेशन’मा मात्रै निगमलाई वार्षिक ३५ करोडभन्दा बढी घाटा पर्दै आएको छ।
_x000D_
_x000D_
यसअघि नेपाल लाइभले निगमका कार्यकारी अध्यक्ष मदन खरेलसँग लिएको अन्तर्वार्तामा पनि खरेलले निगमलाई जबरजस्ती चिनियाँ जहाज भिराउने काम भएको बताएका थिए।
_x000D_
_x000D_
सरकारले नेपालको पर्यटन विकास र विश्वसामु नेपाललाई चिनाउने भन्दै मनाउन लागेको भिजिट नेपाल २०२० को राष्ट्रिय संयोजकमा निगम डुबाउन प्रमुख भूमिका खेलेका वैद्यलाई संयोजक बनाउन लागेको स्रोत बताउँछ।
_x000D_
_x000D_
वैद्य सार्क उद्योग वाणिज्य संघका निर्वतमान अध्यक्ष एवम् नेपाल उद्योग वाणिज्य महासंघका पूर्वअध्यक्ष हुन्। साथै सार्क चेम्बर अफ कमर्सका अध्यक्ष समेत हुन्। यसैगरी, प्रधानमन्त्री ओलीको नेतृत्वमा गठन भएको ‘समृद्ध नेपाल, सुखी नेपाली’को नारा साकार पार्न निजी क्षेत्रसमेतको संग्लनतामा गठन भएको समितिका सदस्य समेत हुन्।
_x000D_
_x000D_
वैद्यलाई उक्त समितिमा कृषि व्यवसायीको नामबाट समावेश गरिएको थियो। तर, फेरि ओली सरकारले नै वैद्यलाई पर्यटन विकासमा खुट्किलो मानिएको भिजिट नेपाल २०२० को राष्ट्रिय संयोजन बनाउन लागेको हो।
_x000D_
_x000D_
_x000D_
_x000D_
वैद्य अर्गनाइजेसन अफ इन्डस्ट्रिज एन्ड ट्रेडिङ हाउसका प्रेसिडेन्ट हुन्। यो कम्पनीमार्फत अटोमोबाइल, कृषि, पोल्ट्री, दानालगायतका उद्योग सञ्चालनमा छन्। तर, वैद्यको पर्यटन क्षेत्रमा खासै लगानी नरहेको एक पर्यटन व्यवसायीहरू बताउँछन्।
_x000D_
_x000D_
भ्रमण वर्ष २०२० सुरु हुन १४ महिना मात्र बाँकी रहँदा सरकारले उद्योगी वैद्यलाई राष्ट्रिय संयोजकको जिम्मेवारी दिने लागको हो। यसका लागि लामो समयदेखि राष्ट्रिय संयोजक चयनका लागि प्रयास गरिए पनि सफल हुन सकेको थिएन।
_x000D_
राष्ट्रिय संयोजकको प्रतिस्पर्धामा वैद्य बाहेक आरआर पाण्डे, योगेन्द्र शाक्य, सुमन पाण्डे, सिर्जना राणा र प्रसिद्ध पाण्डे छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
