चेन्नई–ओस्कर अवार्ड विजेता संगीतकार तथा गायक एआर रहमानको स्वास्थ्य आइतबार बिहान अचानक बिग्रियो।
छातीमा गम्भीर दुखाइ भएपछि उनलाई चेन्नईको अपोलो अस्पतालमा भर्ना गरिएको छ।
५८ वर्षीय संगीतकारलाई आज बिहान ७:३० बजे अस्पताल भर्ना गरिएको थियो, जहाँ उनको ईसीजी पनि गरिएको थियो। आकस्मिक वार्डमा भर्ना भएका रहमानको एन्जियोग्राफी पनि गरिएको थियो।
डाक्टरहरूको टोलीले उनको निरन्तर निगरानी गरिरहेको छ। यसैबिच, रहमानको टोलीबाट उनी उपवास बसेको भनिएको छ। उनको स्वास्थ्य बिग्रनुको कारण डिहाइड्रेसन हुन सक्ने बताइएको छ।
हालै, रहमानकी पूर्व पत्नी सायरा बानोलाई पनि अपोलो अस्पतालमा भर्ना गरिएको थियो, जहाँ उनको आकस्मिक शल्यक्रिया गरिएको थियो। एआर रहमानले २० नोभेम्बर २०२४ मा श्रीमती सायरासँग सम्बन्ध विच्छेदको घोषणा गरेका थिए। यो जोडीले १९९५ मा मागी विवाह गरेका थिए, जुन २९ वर्षपछि टुटेको थियो।
यस विवाहबाट यो दम्पतीका तीन सन्तान छन्। सम्बन्ध विच्छेदको घोषणा लगत्तै बानोको स्वास्थ्य बिग्रिएपछि उनलाई अस्पताल भर्ना गर्नुपरेको थियो।
सम्बन्ध विच्छेदपछि रहमानको उनको ब्यान्डमा काम गर्ने मोहिनी डेसँग अफेयर रहेको खबर आएको थियो। तर रहमानले यस्ता अपमानजनक अफवाह फैलाउनेहरू विरुद्ध कानुनी कारबाही गर्ने घोषणा गरेका थिए।
रहमान दुई ओस्कार जित्ने एक मात्र भारतीय हुन्। उनले स्लमडग मिलेनियर फिल्मको जय हो गीतका लागि २ वटा ओस्कर जितेका थिए। रहमानले २ वटा ग्रामी अवार्ड पनि जितेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
