काठमाडौँ - भारतको ओडिसा राज्यस्थित कलिङ्गा इन्स्टिच्युट अफ इन्डस्ट्रियल टेक्नोलोजी (केआइआइटी)मा मृत फेला परेकी प्रकृति लम्सालको न्यायको माग गर्दै काठमाडौँको पद्मकन्या बहुमुखी क्याम्पसमा दबाबमूलक प्रदर्शन गरेको छ ।
नेपाल विद्यार्थी संघ (नेविसंघ) पद्मकन्या बहुमुखी क्याम्पस समितिले आज बिहान क्याम्पस गेटमा प्रदर्शन गरेको हो ।
भारतको उडिसा राज्यको भुवनेश्वरस्थित कलिंगा इन्स्टिच्युट अफ इन्डस्ट्री टेक्नोलोजी (केआईआईटी) विश्वविद्यालयको होस्टेलमा आइतबार नेपाली विद्यार्थी लम्साल मृत भेटिएकी थिइन् । उनको न्यायको माग गर्दै नेपाली विद्यार्थीले प्रदर्शन गर्दा कलेज प्रशासनले दमन गरेपछि यसको देश विदेशमा विरोध भइरहेको छ । नेपाल स्थित भारतीय दुतावासले पनि घटनामा दुःख व्यक्त गर्दै नेपाली विद्यार्थीहरुलाई पुनः कक्षामा फर्कीन आग्रह गरेको छ । यस अघि विश्विद्यालय प्रशासनले नेपाली विद्यार्थीहरुलाई विश्वविद्यालयबाटै निष्कासन गरेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1695028561.jpg)
-1786602170.png)
