काठमाडौँ – जेल पनि सहुँला जस्ता चर्चित गीत दिएका गायनका जोडी बलबहादुर राजवंशी र मेलिना राईको स्वरमा मैले जिउने संसार बोलको गीत सार्वजनिक भएको छ ।
गीतको शब्द रमेश मास्केले लेखेका हुन् भने गीतमा सँगीत स्वयम् गायक बलबहादुर राजवंशीको नै रहेको छ । गीतमा संगीत संयोजन सुरज श्रेष्ठले गरेका हुन् भने मिक्सिङ्ग तथा मास्टरिङ्ग चन्द्र चौधरीको रहेको छ।
गीतमा नायक कुङ्साङ्ग बोम्जन र आरजु चौधरी राजवंशीको अभिनय देख्न सकिन्छ । गीतको छायांकन तथा सम्पादन पवन सुसलिङले गरेका हुन् भने निर्देशन जीवन साहीले गरेका हुन्। गीत जति मिठो छ भिडियो पनि त्यति नै आकर्षक बनेको छ ।
गायक राजवंशी भोईस अफ नेपाल सिजन २ का टप नाईन सम्म पुगेका गायक पनि हुन् । गायक राजवंशीका नेपाली मात्र नभै राजवंशी , भोजपुरी र मैथिली भाषामा धेरै गीतहरू सार्वजनिक भई सकेका छन्। उक्त गीतलाई बल बहादुर राजवंशी युट्युब च्यानलमा गएर हेर्न सकिन्छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
