समूहचरणको खेल हेर्न टिकटदर पाँच सय, नकआउट चरणको हजार

फुटबल

नेपाल लाइभ बुधबार, असोज ३०, २०८१ १०:४३

काठमाडौं– अखिल नेपाल फुटबल संघ (एन्फा)ले दक्षिण एसियाली फुटबल महासंघ (साफ) च्याम्पियनसिपका खेल हेर्न दुईथरी टिकटदर तोकेको छ।

एन्फा कम्प्लेक्समा मंगलबार पत्रकार सम्मेलन गर्दै प्रवक्ता सुरेश शाहले उक्त जानकारी दिएका हुन्।

प्रतियोगिताको समूहचरणका खेलको टिकटदर साधारण पारापिटतर्फ ३०० र भिआइपीतर्फ ५०० रुपैयाँ तोकिएको छ। तर, नकआउट चरणमा भने साधारण पारापिटतर्फ बसेर खेल हेर्न ५०० र भिआइपीतर्फ १००० रुपैयाँ तिर्नुपर्ने छ।

प्रतियोगिता कार्तिक १ देखि १४ सम्म दशरथ रंगशालामा हुँदैछ। प्रतियोगितामा नेपालसहित माल्दिभ्स, पाकिस्तान, श्रीलंका, भारत, भुटान र बंगलादेशगरी सात टिमले सहभागिता जनाउँदैछन्।

सहभागी टोलीमध्ये पाकिस्तान, माल्दिभ्स र बंगलादेश आइसकेका छन्। भारत र भुटान आज बुधबारसम्म काठमाडौं आइपुग्ने छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बुबाको हत्या गरी छोरा फरार

चितवनमा भएको ट्रक दुर्घटनामा दुई जनाको मृत्यु, २ घाइते

आसन्न चीन भ्रमणबारे आज सरोकारवालासँग छलफल गर्दै प्रधानमन्त्री