काठमाडौँ- विपिन कार्की तथा वर्षा राउत स्टारर ‘तेल भिसा’को पहिलो गीत ‘हरि नाम झैं’ सार्वजनिक भएको छ। सोमबार गीत सार्वजनिक गरिएको हो।
सार्वजनिक गीतमा कल्याण सिंहको संगीत तथा हर्क साउदको शब्द रहेको छ भने निशान भट्टराई तथा समीरा थपलियाको युगल स्वर छ। सिनेमाका लेखक तथा निर्देशक शंकर घिमिरे हुन्।
सिनेमामा विपिन तथा वर्षाका अलावा पूजा चन्द, ऋचा घिमिरे, बुद्धि तामाङ तथा सुचित्रा उप्रेती लगायतका कलाकारको अभिनय रहेको छ।
सिनेमाको यो गीत मुख्य अभिनेता विपिन कार्कीकी केही दिन अगाडि दिवगत भएकी आमा सरस्वती कार्कीप्रति गीत समर्पित गरिएको छ। सिनेमामा अभिनेता विपिन कार्की दोहोरो भूमिकामा देखिएका छन्।
आगामी मंसिर ७ गतेबाट सिनेमा नेपाल र विदेशमा एकसाथ प्रदर्शनमा आउँदैछ।
वेलडन क्रियसनको व्यानरमा ऋचा घिमिरेको प्रस्तुति रहेको सिनेमामा अनिल पाण्डे र शिवराज कार्कीको लगानी रहेको छ।
प्रिन्स युवराज कार्की र श्रुती दाहाल कार्यकारी निर्माता रहेको ‘तेल भिसा’मा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत, विजय बस्यालको पोस्टर डिजाइन र अजय खड्काको सम्पादन रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
