काठमाडौं- मानव बेचबिखन तथा ओसारपसार विरुद्ध संगीतमार्फत सचेतना फैलाइएको छ। महिलाको निम्ति महिला मञ्च नेपालले मानव बेचबिखन तथा ओसारपसार विरुद्धको १०औं अन्तर्राष्ट्रिय दिवसका अवसरमा प्रत्यक्ष दोहोरी प्रस्तुत गरेको छ।
वफोवन युट्युबमा सार्वजनिक भएको गीतमा मानव बेचबिखन तथा ओसारपसारका अनेक रुपबारे बताइएको छ। १०औं अन्तर्राष्ट्रिय मानव बेचबिखन विरुद्धको दिवसमा ऐक्यबद्धता सहित मानव बेचविखन सम्बन्धि जानकारीलाई समेटेर १७औं भाग सार्वजनिक गरिएको संस्थाकी कार्यकारी निर्देशक तथा संस्थापक अध्यक्ष सिर्जना पुनले बताएकी छिन्।
‘दिन प्रतिदिन मानव बेचबिखन तथा ओसारपसारका समस्या विभिन्न स्वरुपमा परिवर्तन भएर आइरहेका छन्। यसमा मानव बेचबिखन जुनसुकै उमेर, जातजाति वा क्षेत्रको पनि हुनसक्छ र आफन्त, साथी, चिनेजानेको वा जो सुकैबाट जहाँ पनि हुनसक्छ भन्ने सन्र्दभलाई समेटेर गीतमार्फत सरल शब्द र समुधुर स्वरमा सुचना र सचेतनामुलक जानकारी प्रसारण गरिएको छ,’ उनले विज्ञप्तिमा भनेकी छिन्।
अभियान अन्तर्गत विषयगत अतिथिको रुपमा मानव बेचबिखन विरुद्ध अभियानकर्ता टीप हिरो २०१८, लेखक तथा सुनिता फाउन्डेसनकी अध्यक्ष सुनिता दनुवारको उपस्थिति छ।
गीतमा रेवती पौडेल, तारा थापा, देवी आले, रोमु भुजेल, रत्न श्रेष्ठ, शर्मिला वि.सी, टेकराज भण्डारी, धिरज कोईराला, यशोदा केसी, अञ्जान कार्की, टंक रेउले, दिलु बिसी, देवी कुमारी बस्नेत, सागर बिसी, सिमा थापा, शान्ति घर्ती, रमिला बुढामगर, श्याम राना, रेजिना परियार, रन्जिता वि.क, राममाया थापा, टिका पुन लगायतको स्वर रहेको छ।
चर्चित गायक विरही कार्कीको स्वर र संगीतमा रहेको ‘डाँडै शिरीष’ नामक गीतको भाकामा उक्त लाइभ दोहोरी प्रस्तुत गरिएको छ।
वफोवनले श्रमिकको श्रमको पहिचान, सरक्षा र सम्मानको विषय सँगै अन्य सामाजिक सवाललाई लिएर सचेतना जगाउने माध्यम संगीतलाई बनाएको छ। यो जारी रहने बताइएको। वफोवन मनोरञ्जन तथा सत्कार (डान्सबार, दोहोरी साँझ, क्याबिन रेस्टुरेण्ट, खाजाघर तथा स्पा/मसाज पार्लर) क्षेत्रमा कार्यरत श्रमिक महिलाहरुको नेतृत्वमा रहेको गैरसरकारी संस्था हो। यो संस्था मनोरञ्जन तथा सत्कार क्षेत्रमा कार्यरत श्रमिक महिलाहरुको अधिकार प्रवर्द्धन तथा सुनिश्चिताको लागि सक्रिय रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791869951.jpg)
-1786602170.png)
