गिनिज कीर्तिमानका लागि कालापत्थरमा नाचे सुरेन्द्र र सुशन

समाचार

नेपाल लाइभ शनिबार, जेठ १२, २०८१ १२:४६

काठमाडौं– नृत्य निर्देशकद्वय सुरेन्द्र राई र सुशन तामाङले गिनिज विश्व रेकर्डका लागि सोलुखुम्बुको कालापत्थरमा जोडी नृत्य गरेका छन्।

‘सर्वाधिक उचाइमा कोरियोग्राफी गरिएको नृत्य’ विधाका लागि उनीहरुले यो प्रयास गरेका हुन्।

जेठ महिनाको ६ गते आइतबार ५ हजार ४३८ मिटरको उचाइमा उनीहरुले दीपक बज्राचार्यको गीत ‘मन मगन’मा २ मिनेट ३० सेकेन्डसम्म नृत्य गरेका थिए। उनीहरुको टोलीमा फोटोग्राफर सौगात कार्की र भिडियोग्राफरद्वय उमेश सापकोटा तथा सोनम केसी थिए।

आठ हजार मिटरका पाँच हिमाल दुई पटक आरोहण गरेर गिनिज वर्ल्ड कीर्तिमानी बनेका सानु शेर्पा विशेष अतिथिका रुपमा सुरेन्द्र र सुशनको नृत्यको साक्षी बनेका थिए।

खराब मौसमको बाबजुद पनि २०-२५ जना दर्शकको उपस्थितिमा उनीहरुले आधिकारिक गिनिज वर्ल्ड रेकर्डको लागि नृत्य गरेका थिए। सुरेन्द्र र सुशनले सगरमाथा राष्ट्रिय निकुञ्ज, नेपाल पर्यटन बोर्ड र खुम्बु पासाङल्हामु गाउँपालिकाको स्वीकृतिमा कार्यक्रम गरेका हुन्।

गिनिजको तर्फबाट नेपाल प्रतिनिधि चित्रकुमार कार्कीको निर्देशनमा उनीहरुले कार्यक्रम गरेका थिए। सुरेन्द्र र सुशनका अनुसार कार्यक्रमको छायांकनका प्रमाण र अन्य प्रमाण गिनिजको लण्डन मुख्यालयमा पठाइनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी

नेपाल-भारत संयुक्त व्यापार मञ्च बैठक, द्विपक्षीय व्यापार विस्तारमा जोड, उठ्यो बिआइएसको मुद्दा