आईपीएलमा राजस्थान रोयल्स क्वालिफायरमा, बैंगलुरू पराजित

क्रिकेट

नेपाल लाइभ बिहीबार, जेठ १०, २०८१ ०७:१७

काठमाडौं- इन्डियन प्रिमियर लिग (आईपीएल)मा राजस्थान रोयल्स क्वालिफायरमा पुगेको छ। बुधबार राति भएको खेलमा रोयल च्यालेञ्जर्स बैंगलुरूलाई पराजित गर्दै राजस्थान क्वालिफायरमा पुगेको हो।

राजस्थानले बेंगलुरलाई ४ विकेटले पराजित गर्दै क्वालिफायरमा सनराइज हैदराबादसँगको भेट पक्का गरेको हो। बैंगलुरूले दिएको १७३ रनको लक्ष्य राजस्थानले १९ ओभरमा ६ विकेट गुमाएर भेट्टाएको हो।

राजस्थानका ययश्वी जैसवालले सर्वाधिक ४५ रन बनाए। उनले ३० बलमा ८ चौका प्रहार गरेका थिए। त्यस्तै रियान परागले २६ बलमा २ चौका र २ छक्का प्रहार गरी ३६ रन जोड्न सफल भएका थिए। यस्तै सिमरन हेटमायरले २६ र टम कोहलर-क्याडमोरले २० रनको योगदान गरे। कप्तान सञ्जु सामसनले १७ र ध्रुव जुरेलले ८ रनको योगदान गरेका थिए।

बलिङतर्फ बैंगलुरूका मोहम्मद सिराजले २ तथा लोकी फर्गुशन, करन शर्मा र क्यामरून ग्रीनले १/१ विकेट लिएका थिए।

पहिले ब्याटिङ गरेको बैंगलुरूले ८ विकेट गुमाएर १७२ रनको योगफल तयार गरेको थियो। त्यस क्रममा ओपनर विराट कोहलीले २४ बलमा ३ चौका र १ छक्का प्रहार गरी ३३ रन बनाए। रजत पतिदरले ३४, महिपाल लोम्रोरले ३२ र क्यामरन ग्रीनले २७ रन जोडेका थिए।

राजस्थानका आवेश खानले ३, रवीचन्द्रण आश्विनले २, ट्रेन्ट बोल्ट, सन्दीप शर्मा र युजभेन्द्र चहलले एक/एक विकेट लिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सरकारले राष्ट्र बैंकको गभर्नर कानुन विपरीतको व्यक्ति नियुक्त गर्‍यो : ज्ञानेन्द्र शाही

शिक्षा समितिको बैठक सुरू

गर्भपतनको कानुनी झन्झटले पीडित झन् पीडामा