काठमाडौं- इन्डियन प्रिमियर लिग (आईपीएल) को फाइनलमा कोलकाता नाइट राइडर्स पुगेको छ। मंगलबार राती भएको खेलमा सनराइजर्स हैदरावादलाई पराजीत गर्दै कोलकाता फाइनलमा प्रवेश गरेको हो।
अहमदावादस्थित नरेन्द्र मोदी स्टेडियममा भएको पहिलो क्वालिफायरमा सनराईजर्स हैदराबादलाई ८ विकेटले पराजित गर्दै कोलकाताले फाइनलमा स्थान पक्का गरेको हो।
प्रतियोगितामा हैदरावादले दिएको १६० रनको लक्ष्य कोलकाताले २ विकेटको क्षतिमा १३.४ ओभरमै जित हासिल गरेको हो। सहज जित हासल गरेको प्रतियोगितामा कोलकाताका कप्तान श्रेयस ऐयरले सर्वाधिक ५८, वेंकटेश ऐयरले ५१ रन, ओपनर रहमनुल्लाह गुरबाजले २३ र सुनिल नरिनले २१ रन जोडे। त्यस क्रममा वेंकटेश ऐयर र कप्तान श्रीयास ऐयर अर्धशतक बनाउँदै नट आउट रहे।
वेंकटेशले २८ बलमा ५ चौका र ४ छक्का प्रहार गरी ५१ रन बनाउँदा कप्तान श्रीयासले २४ बलमा ५ चौका र ४ छक्का प्रहार गरी ५८ रन जोडे। त्यसअघि ओपनर रमनउल्लाह गुर्बाजले १४ बलमा २ चौका र २ छक्का प्रहार गरी २३ रन बनाए। ओपनर सुनिल नारायणले १६ बलमा ४ चौका प्रहार गरी २१ रन जोडे।
हैदराबादका कप्तान प्याट कमिन्स र नटराजनले समान एक/एक विकेट लिए।
पहिले ब्याटिङ गरेको हैदराबादले १९.३ ओभरमा सबै विकेट गुमाएर १५९ रन बनाएको थियो। हैदराबादका राहुल त्रिपाठीले ५५, हेनरिच क्लासनले ३२, प्याट कमिन्सले ३० रन बनाए। त्रिपाठीले अर्धशतक प्रहार गरेको खेलमा अन्य ब्याटर भने चल्न सकेनन्।त्रिपाठीले ३५ बलमा ७ चौका र १ छक्का प्रहार गरी ५५ रन बनाएका थिए।
कोलकाताका मिचेल स्टार्कले ३ तथा वरूण चक्रवर्थीले २ विकेट लिँदा वैभव अरोरा, हर्षित राना, सुनिल नारायण र आन्द्रे रशेलले १/१ विकेट लिएका थिए।
पराजित भए पनि हैदराबादलाई फाइनल प्रवेशका लागि अझै एक अवसर छ। हैदरावादले इलिमिनेटरको विजेतासँग फाइनलका लागि प्रतिस्पर्धा गर्नेछ। इलिमिनेटरमा राजस्थान रोयल्स र रोयल च्यालेञ्जर्स बैंगलुरूबीच आज खेल हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।