काठमाडौं– क्रिकेटर सन्दीप लामिछानेको मुद्दाको पेसी उच्च अदालतका न्यायाधीशद्वय सुदर्शनदेव भट्ट र अञ्जु उप्रेती ढकालको २ नम्बर इजलासमा परेको छ। पहिलो नम्बरमा नै पालो रहेको हुँदा आज सुनुवाइ हुन सक्ने सम्भावना उच्च छ।
यसअघि पनि एकपटक न्यायाधीश भट्टको इजलासमा सन्दीपको मुद्दा परेको थियो। गत वैशाख १० गते तोकिएको पेशीमा भट्ट र अर्का न्यायाधीश पुरुषोत्तम ढकालले मुद्दा ‘हेर्न नभ्याइने’ भनेर टारेका थिए। जबकि अदालतसँग यथेष्ट समय थियो।
आज झन् पहिलो नम्बरमा नै पालो भएकाले ‘हेर्न नभ्याइने’ भनेर टार्न सक्ने अवस्था छैन। यद्यपि, न्यायधीशले अरु कुनै बहाना बनाएर सुनवाइ स्थगित गर्न सक्ने चिन्तामा सन्दीपका वकिलहरू छन्।
आज सन्दीप पक्षका समर्थकहरु सर्वोच्च अगाडि गएर मुद्दा सुनुवाइका लागि दबाब दिने तयारीमा छन्। दुई दिनअघि मात्रै उनका समर्थकलाई प्रदर्शनका क्रममा प्रहरीले पक्राउ गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1786602170.png)
