मुम्बईमा विशाल होर्डिङ बोर्ड खस्दा ८ जनाको मृत्यु, ६० घाइते

विश्व

नेपाल लाइभ मंगलबार, जेठ १, २०८१ ०८:४०

एजेन्सी-मुम्बईमा सोमबार आएको आँधी र वर्षाका क्रममा एउटा विशाल होर्डिङ खस्दा भत्किँदा भएको दुर्घटनामा मृत्यु हुनेको संख्या आठ पुगेको छ । दुर्घटनामा करिब ६० जना घाइते भएका छन् ।

प्रहरीका अनुसार घाटकोपर (इ) क्षेत्रको समता कोलोनीमा रहेको रेलवे पेट्रोल पम्पनजिकै राखिएको होर्डिङ बेलुका ४ः३० बजे एक्कासी आएको भीषण हावाहुरीले खसेको हो । उक्त बोर्ड ७० मिटर लम्बाई तथा ५० मिटर अग्लो थियो।

अधिकारीहरुका अनुसार पानी र हावाहुरीका कारण रोकिएका मानिसको समूहका बीच होर्डिङ बोर्ड खसेको थियो। घाइतेलाई राजावाडी अस्पतालमा भर्ना गरिएको छ । महाराष्ट्रका मुख्यमन्त्री एकनाथ शिन्देले दुर्घटनाका लागि जिम्मेवार व्यक्तिमाथि कर्तव्य ज्यान मुद्दा चलाइने बताए । उनले मृतकका परिवारलाई तत्काल ५ लाख रुपैयाँ क्षतिपूर्ति दिने घोषणासमेत गरेका छन् ।

हावाहुरीका कारण सडक, हवाई र रेलमार्गसमेत प्रभावित भएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कुनै पनि धर्मलाई राजनीतिक अभीष्ट पूरा गर्न प्रयोग गर्नु हुँदैन : गृहमन्त्री लेखक

सुनिल पौडेलसहित पाँच जनाविरुद्ध भ्रष्टाचार मुद्दा दायर

बालुवाटारमा मन्त्रिपरिषद् बैठक बस्दै