काठमाडौँ- दयाहाङ राई तथा मिरिना मगरको जोडी बाँधिएको नयाँ सिनेमा ‘घरज्वाइँ’ले टिजर रिलिज गरेको छ। असार २८ मा रिलिज हुने सिनेमाको टिजरले घरज्वाइँले आफूले मन पराएकी युवती पाउनका लागि घरज्वाइँ बस्नुपर्ने सर्त राखिएपछि बस्ने कि नबस्ने भन्ने मूलपात्रको दुविधाको कथा पेस गर्ने जानकारी दिएको छ।
सिनेमालाई अनिल बुढाले निर्देशन गरेका हुन्। मगर समुदायको सस्कृतिको सेरोफोरोमा कथानक बुनिएको सिनेमामा दया र मिरुनाका अलावा बुद्धि तामाङ, पुष्कर गुरुङ, भोलाराज सापकोटा, कविता आले, शिला आले, राज थापा, खड्कबहादुर पुन (खबपु), अनु थापा, विना थापा मगर, सोनाम लामा, विवेश बुढा मगर, सुनिल मगरको पनि अभिनय छ ।
जनक घर्ती मगरले निर्माण गरेको सिनेमामा सुशन प्रजापतिको छायांकन छ। सिनेमा पूर्वी रुकुम जिल्लामा खिचिएको हो।
जिएम मुभिज र एबीएम सिनेमा प्रोडक्सनको ब्यानरमा निर्मित सिनेमाका लेखक निर्देशक बुढामगर हुन भने पटकथा तथा संवादमा उनले विनोद खतिवडा र सुभाष कोइरालासँग सहलेखन गरेका छन्।
सिनेमामा हर्क साउद र राम अविरल विष्टको गीत तथा मनोज थापा र एसडी योगीको संगीत रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1790307658.jpeg)
-1786602170.png)
