काठमाडौं– 'लन्डन टु पेरिस' सिनेमाले आफ्नो पहिलो गीत सार्वजनिक गरेको छ। राजधानीमा मंगलबार एक कार्यककाबीच सिनेमाको 'खुल्ला आकाश' बोलको गीत सार्वजनिक गरिएको हो।
सार्वजनिक गीतमा अभिनेत्री साम्राज्ञी राज्यलक्ष्मी शाहले डेब्यू अभिनेता निश्चल खड्कासँग रोमान्स गरेको देख्न सकिन्छ।
गीतमा शब्द, संगीत तथा स्वर हर्कुलस बस्नेको रहेको छ। घनश्याम लामिछानेको निर्देशित सिनेमाको यो गीतलाई ओस्कार विजेता 'जय हो' का कोरियोग्राफर लंगनेस फर्नान्डेजले कोरियोग्राफी गरेका हुन्।
सिनेमा जेठ २५ गते रिलिज हुनेछ। ट्राभल लभस्टोरी कथामा बनेको 'लन्डन टु पेरिस'मा साम्राज्ञी तथा निश्चलका अलावा कविर खड्का, गरिमा शर्मामा अलवा रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको छ।
सिनेमाको कथा, पटकथा र संवाद प्रदीप भारद्धाजले लेखेका हुन्। अमित बस्नेतले निर्माण गरेको सिनेमामा आरोन बस्नेत, एरियाना बस्नेत तथा परी राना निर्माताका रुपमा रहेका छन्।
एबी इन्टरनेश्नलको प्रस्तुति रहेको सिनेमामा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ। सनिश खकुरेल र अजित केआर थापा सिनेमाको सह-निर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
