‘बलिदान’मा आर्टमान्डूले संगीत संयोजन गर्ने

संगीत

नेपाल लाइभ शनिबार, माघ ६, २०८० ०७:४३

काठमाडौँ–सुपरहिट गीतहरू 'तीन पाते', 'फूलथुंगे रानी' , 'लजाएर', 'गाला पुक्क', 'घुमी घुमी', 'मिलेको जीउ छिनेको कम्मर', 'बाफ' लगायतका गायक सुजन चापागाईँ चलचित्र 'बलिदान'मा जोडिएका छन्।

सुजनसँगै उनको साङ्गीतिक टिम आर्टमान्डू टिमका सदस्यहरू गीतकार हर्क साउद र निर्देशक नवीन चौहान पनि 'बलिदान'मा आबद्ध भएका छन्।

चलचित्रका गीत तथा ब्याकराउण्ड म्युजिकमा यो टिमले संयोजन गर्नेछ। हर्कले गीत रचना गर्नेछन्, सुजनले गीतमा सङ्गीत तथा स्वर र ब्याकराउण्ड म्युजिक तयार गर्नेछन् भने नवीनले टिम व्यवस्थापन गर्नेछन्।

नेपाली चलचित्रमा सम्भवतः पहिलो पटक यसरी एक टिमलाई नै संगीतको जिम्मेवारी दिइएको हो।

दर्शक तथा श्रोताका लोकप्रिय गायक तथा सङ्गीतकारलाई चलचित्रमा आबद्ध गराउन निर्माता तथा निर्देशक सन्तोष सेनले लामो समयदेखि छलफल गरिरहेका थिए।

टिमको आबद्धतासँगै हाल गीत संगीतको विषयमा कार्यशाला भइरहेको छ। निर्देशक सेनले चलचित्रको कथा र मर्म अनुसारका गीत उत्पादन गर्नको लागि केही दिन छलफलमा रहने जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बढ्दो तनाव पछि भारत र पाकिस्तानको शेयर बजारमा भारी मात्रामा गिरावट

बजाज ग्रान्ड एक्सचेन्ज मेलाः नागरिकता मात्रैले बाइक पाइने

आज ७३औँ कानुन दिवस