काठमाडौं- चर्चित गायिका रचना रिमालको स्वर रहेको ‘थोपा’ बोलको गीतको भिडियो सार्वजनिक गरिएको छ। नवीन श्रेष्ठको शब्द सिर्जना रहेको सार्वजनिक गीतमा वरिष्ठ संगीतकार नागेन्द्र श्रेष्ठको संगीत रहेको छ। जसमा राहुल प्रधानको एरेन्ज रहेको छ। भिडियोले प्रेमीले धोका दिएपछि एक्लिएकी प्रेमिकाको विरहको कथालाई निर्देशक गौरव गिरीले कलात्मक शैलीमा भिडियोमा देखाएका छन्।
सुदूरपश्चिमको रमणीय स्थानमा छायांकन गरिएको भिडियोमा आरके परियार, अनुजा सिंह र मिसेल घिमिरेको बेजोड अभिनय देख्न सकिन्छ। भिडियोमा सन्तोष तामाङको सिनेमाटोग्राफी, भद्रजंग कुँवरको सम्पादन तथा कलरिङ श्याम कुँवरको रहेको छ।
भिडियो वरिष्ठ संगीतकार नागेन्द्र श्रेष्ठको युट्युब च्यानलमार्फत बजारमा आएको हो। केही समयअघि मात्रै संगीतकार नागेन्द्रले अञ्जु पन्तको स्वरमा हिन्दी गीत ‘जिन्दगी की राहो मे’को भिडियो सार्वजनिक भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
