काठामाडौं– राज कटुवाललाई आम मानिसले नायक तथा मोडलको रुपमा चिन्छन्।
अझ, उनले अभिनय गरेको ‘मेसो मिलाएर’ बोलको गीत हिट भएपछि त उनको चर्चा पनि चुलिएको छ। यसपछि, उनी म्युजिक भिडिओमा व्यस्त पनि देखिन थालेका छन्।
‘मेसो मिलाएर’ गीत हिट भएसँगै राज र अर्जुनबिच पुनः सहकार्य हुने भएको छ। अर्जुनको कम्पनी द डिभाइन म्युजिकले तयार पार्ने ५ वटा भिडियोमा राजले काम गर्ने गरि सम्झौता भएको छ।
सम्झौता पत्रमा हस्ताक्षर गर्दै दुवैले उत्साह व्यक्त गरेका छन्। डिभाइनको भिडिओमा काम गर्न पाउँदा आफू उत्साहित भएको राजले बताए।
यस्तै, संगीतकार पोखरेलले ‘मेसो मिलाएर’ गीत हिट भएपछि राजलाई दर्शकले अत्यधिक खोजेकाले आफूले ५ वटा भिडिओका लागि सम्झौता गरेको बताए।
राजले निर्माण गरिरहेको फिल्म ‘मायाबी’को हाल छायाँकन भइरहेको छ। राज आफैं नायक बनेर नयाँ फिल्ममा काम गर्ने तयारीमा समेत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
