अख्तियारका आयुक्त चन्दको लेखनमा गीत 'मैनाचरी'

संगीत

नेपाल लाइभ बिहीबार, जेठ १८, २०८० १६:३६

काठमाडौं- अख्तियार दुरुपयोग अनुसन्धान आयोगका आयुक्त एवं पूर्वएआईजी जयबहादुर चन्दको नयाँ गीत सार्वजनिक भएको छ। चन्दले लेखेको ‘मैनाचरी’ बोलको गीत सार्वजनिक भएको हो।

गायिका मेलिना राईको स्वर रहेको यो राष्ट्रिय भावको गीतमा बसन्त सापकोटाले संगीत भरेका छन्। महाराज थापाको एरेन्ज रहेको गीतको भिडियोमा अभिनेत्री प्रियंका कार्कीले अभिनय गरेकी छिन्। सुदीप बरालले खिचेको भिडियोको कोरियोग्राफी कविराज गहतराजले गरेका छन्। भिडियो निर्देशन भने सरोज ओलीले गरेका छन्।

'यो राष्ट्रिय भावको गीत हो,' गीतकार चन्दले भने, 'स्कुल कलेज विवाह– ब्रतबन्धतिर बजाउन मिल्छ। आम दर्शक-स्रोतामा राष्ट्रिय भाव जागृत गराउँछ भन्ने मेरो अपेक्षा छ। सुदूपश्चिममा हुर्केको मैले सानैदेखि देउडा गुनगुनाउँथे। त्यही भएर गीत लेखनमा सानैदेखि हुटहुटी थियो।'

यसअघि चन्दले ट्राफिकसम्बन्धी जनचेतना जगाउने 'सेतो टोपी' बोलको गीत चर्चित भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

युक्रेनी सेनाको कब्जामा रहेका दुई नेपालीको उद्धार

संसद बैठकलाई सम्बोधन गर्दै प्रचण्ड

ग्यास सिलिन्डर विस्फोट हुँदा १४ जना घाइते