काठमाडौं– केपी दंगाल ‘गोकुल’को दोस्रो सांगितिक प्रस्तुति ‘प्रेमको झिरैमा’ बोलको गीत बजारमा आएको छ।
उक्त गीतको म्युजिक भिडियो पारिजात नेपालको अफिसियल युट्युब च्यानलमार्फत् बजारमा सार्वजनिक गरिएको छ। यसअघि पनि सर्जक दंगालको पहिलो सांगितिक कोशेली ‘निर्मोही’ नामको आधुनिक गीत गायक प्रमोद खरेलको स्वरमा म्युजिक नेपालको युट्युब च्यानलमार्फत् सार्वजनिक भैसकेको छ।
मातृका प्रसाद आचार्य र गायिका समीक्षा अधिकारीको आवाजमा रहेको उक्त गीत पुरुषोतम न्यौपानेको संगीत साथै संगीत संयोजन, किशोर थापाको ध्वनी सम्पादनमा तयार भएको हो।
गीतलाई ए वान म्युजिसियन रेकर्डिङ स्टुडियोमा रेकर्ड गरिएको थियो। गीतको म्युजिक भिडियोमा केपी दंगाल ‘गोकुल’ र स्मारिका ढकालको अभिनय रहेको छ।
प्रेम लामाले छायांकन र निर्देशन गरेको म्युजिक भिडियोलाई प्रेमनाथ श्रेष्ठले ड्रोन छायांकन गरेका छन्। उक्त गीतमा अर्जुन सिलवालले कोरियोग्राफी, अजय लामाले प्रोडक्सन म्यानेज र टेकेन्द्र शाहले सम्पादन गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
