काठमाडौं– आगामी चैत्र ५ गते हुने स्वतन्त्र विद्यार्थी युनियनको निर्वाचनका लागि देशैभरका क्याम्पसहरुमा उम्मेदवारी दर्ता भएको छ। कतै एक्लाएक्लै त कतै तालमेल गरेर विद्यार्थी संगठनहरुले उम्मेदवारी दर्ता गरेका छन्।
सत्ता गठबन्धनमा आवद्ध दलका विद्यार्थी संगठनहरुले उपत्यकाका क्याम्पसहरुमा तालमेल गरेका छन्। चुनाव ५ गते हुने भए पनि केही क्याम्पसहरुमा भने निर्विरोध नेतृत्व चयन भइसकेको छ।
जसमा अहिलेसम्म माओवादी निकट अखिल क्रान्तिकारीका देशभरका २० ठाउँमा निर्विरोध सभापति चयन भएका छन्। यस्तै कांग्रेस निकट नेविसंघका उम्मेदवार पनि ११ वटा क्याम्पसका निर्विरोध निर्वाचित भएका छन्।
विद्यार्थी संगठनको आन्तरिक विवादका कारण काठमाडौं उपत्यकाका रत्नराज्य लक्ष्मी (आरआर) क्याम्पस, त्रिचन्द्र, काठमाडौं शिक्षा बहुमुखी क्याम्पस लगायतका ठाउँहरुमा भने उम्मेदवारी दर्ता हुन सकिरहेको छैन। यस्तै केही ठाउँमा नेविसंघबाटै बागी उम्मेदवारी पनि दर्ता भएको छ।
अखिल क्रान्तिकारीका उम्मेदवार निर्विरोध चयन भएका क्याम्पसहरु
नेकपा माओवादी केन्द्र निकक अनेरास्ववियु क्रान्तिकारीका उम्मेदवार उम्मेदवारी दर्तासँगै देशका विभिन्न क्याम्पसहरुमा निर्विरोध निर्वाचित भइसकेका छन्। अनेरास्ववियु क्रान्तिकारीका अध्यक्ष पञ्चा सिंहका अनुसार हाल सम्म २० वटा क्याम्पसहरुमा निर्विरोध निर्वाचित भएका छन्।
१) सिन्जा बहुमुखी क्याम्पस सिन्जा, जुम्ला – सन्तोष आचार्य
२) स्यार्पु बहुमुखी क्याम्पस, रुकुम पश्चिम – किरण विश्वकर्मा
३)सानोभेरी शिक्षा क्याम्पस, रुकुम पश्चिम – वीरभान भण्डारी
४) सितल क्याम्पस चौरजाहारी, रुकुम पश्चिम – निराजन केसी
५) चतुर्देव हिसुपु क्याम्पस रातापानी, मुगु – मनसुर कार्की
६) बन्गाड क्याम्पस, सल्यान – अजय बिष्ट
७) फारुलला बहुमुखी क्याम्पस दार्मा, सल्यान – वरुण न्यौपाने
८) लिकु संयुक्त क्याम्पस, डोल्पा – रनचन्द्र शाही
९) जाजरकोट छेडागाड जनज्ञानकुञ्ज क्याम्पस, जाजरकोट – जागेश्वर थापा
१०) गुराँस बहुमुखी क्याम्पस, बर्दिया – सन्जोग श्रेष्ठ
११) चन्द्रकोट बहुमुखि क्याम्पस चन्द्रकोट, गुल्मी – प्रभा पौडेल
१२) मरिण बहुमुखी क्याम्पस, सिन्धुली – विज्ञान दोर्जे बल
१३) सुनकोसी क्याम्पस, सिन्धुली – विनिता न्यौपाने
१४) शिद्धज्योति शिक्षा क्याम्पस, सिन्धुली – गोविन्द पहाडी
१५) गोरखा क्याम्पस, गोरखा – विष्णु पाण्डे
१६) कंकलिङ क्याम्पस, सिन्धुपाल्चोक – लक्ष्मण घिसिङ
१७) चौतारा बहुमुखी क्याम्पस, सिन्धुपाल्चोक – अमृत श्रेष्ठ
१८) नेत्रावती सामुदायिक बहुमुखी क्याम्पस, धादिङ – सीता तिमिल्सेना
१९)पालुङ बहुमुखी क्याम्पस – पुष्कल श्रेष्ठ
२०)रवि क्याम्पस पाँचथर – चन्द्रहाङ लावती
११ क्याम्पसमा नेविसंघ निर्विरोध
प्राप्त तथ्यांक अनुसार हालसम्म देशभरका ११ वटा क्याम्पसमा नेपाली कांग्रेस निकट नेविसंघका उम्मेदवार निर्विरोध निर्वाचित भएका छन्। तर नेविसंघले भने १६ वटामा आफ्ना उम्मेदवार निर्विरोध निर्वाचित भएको दाबी गरेको छ।
नेविसंघका नेता दिनेश कुमार शाहीले हालसम्म देशभरका १६ वटा क्याम्पसमा नेविसंघका उम्मेदवार निर्विरोध निर्वाचित भएको जानकारी दिएका छन्।
१)नेरेन्द्र भण्डारी – मानसरोवर बहुमुखी क्याम्पस , हुम्ला
२) निरुता खड्का – जीतपुर कलेज, धनकुटा
३)कृष्ण लामिछाने – सिन्धुली बहुमुखी क्याम्पस, सिन्धुली
४)सरस्वती जिसी – ठोकर्पा सामुदायिक क्याम्पस, सिन्धुपाल्चोक
५)सविन रेग्मी –त्रिभुवन आदर्श बहुमुखी क्याम्पस, स्याङ्जा
६)मुना नेपाली – पाँचथर बहुमुखी क्याम्पस, पाँचथर
७)हिमाल जिसी – प्युठान क्याम्पस, प्युठान
८)संजीवनी न्यौपाने – मालुङ्गा बहुमुखी क्याम्पस, स्याङ्जा
९)राम गौतम – लाम्पानटार बहुमुखी क्याम्पस, सिन्धुली
१०)भक्त बहादुर तामाङ – त्रिपुरेश्वर बहुमुखी क्याम्पस, सिन्धुली
११)सुरज चौलागाई – सिन्धु भ्याली सामुदायिक क्याम्पस, सिन्धुपाल्चोक
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
