राजनीति

राष्ट्रपति चुन्न लाइनमा सांसद [तस्बिरहरू]

निमेषजंग राई बिहीबार, फागुन २५, २०७९ १३:४४

काठमाडौं– नयाँ बानेश्वरस्थित संघीय संसद् भवनमा बिहीबार नयाँ राष्ट्रपतिका लागि मतदान जारी छ।

कांग्रेस, माओवादी, एकीकृत समाजवादी र जसपासहितको आठ दलीय गठबन्धनबाट कांग्रेस वरिष्ठ नेता रामचन्द्र पौडेल र नेकपा एमालेका तर्फबाट सुवासचन्द्र नेम्वाङ राष्ट्रपतिका उम्मेदवार छन्।

राष्ट्रपति निर्वाचनमा संघीय संसद् र प्रदेश सभाका सदस्यहरू मतदाता हुने व्यवस्था छ। बिहान १० बजेदेखि सुरु भएको मतदान दिउँसो ३ बजेसम्म चल्नेछ।

मत खसाल्न यतिबेला संघ र प्रदेशका सांसदहरू मतदान केन्द्रमा लाइन लागिरहेका छन्। बिहीबारै बेलुका सात बजेभित्र राष्ट्रपति निर्वाचनको मतपरिणाम सार्वजनिक गर्ने निर्वाचन आयोगको तयारी छ।

हेर्नुहोस् तस्बिरहरू :

Presidential_Election (15)1678348534.jpg