काठमाडौं– राष्ट्रपति निर्वाचनमा मत दिन बानेश्वरस्थित मतदान केन्द्र पुगेका राष्ट्रपतिका दुई प्रत्यासीले एक आपसमा शुभकामना आदन–प्रदान गरेका छन्।
पत्रकारसमक्ष कांग्रेसका उम्मेदवार रामचन्द्र पौडेल र एमालेका उम्मेदवार सुवास नेम्वाङ सँगै उपस्थित भएर एक अर्कालाई शुभकामना दिँदै जसले जिते पनि गणतन्त्र र संविधानको जित हुने बताए।
कांग्रेस उम्मेदवार पौडेलले लोकतन्त्रका लागि सँगै लडेकोले यो व्यवस्थामा नेम्वाङ उल्लेखेनीय भूमिका रहेको बताए। ‘देशको व्यवस्थाका लागि, लोकतन्त्रका लागि, संघीय लोकतान्त्रिक गणतन्त्रको व्यवस्था ल्याउनका लागि उहाँको पनि मेरो भन्दा कम भूमिका छैन,’ पौडेलले भने,‘यो निर्वाचन भनेको प्रकृया मात्र हो। हामीले लोकतन्त्रका विधि पुर्याएका हौँ। यो संविधान र गणतन्त्रको पुन: जित हो।’
त्यस्तै, अर्का उम्मेदवार नेम्वाङले पनि पौडेल लोकतान्त्रिक योद्धा रहेकोले जसले जिते पनि संविधानको, कानुनको जित हुने बताए।
‘लामो समयदेखि हामी सँगै थियौँ। उहाँ लोकतान्त्रिक प्रकृयामा निरन्तर क्रियाशील राजनीतिज्ञ हुनुहुन्छ। हामी जो जिते पनि संविधानको पक्षमा, कानुनको शासनको पक्षमा उभिन्छौँ। सिङ्गो देशलाई एकताबद्ध रुपमा अघाडि बढ्छौँ। मधेसदेखि हिमालसम्म सबैलाई एकताबद्ध बनाएर अघि बढ्छौँ,’ नेम्वाङले भने,‘त्यसैले आज म साह्रै खुशी छु। मेरो अध्यक्षतामा बनेको संविधानको महत्त्वपूर्ण चरणमा राष्ट्रपति निर्वाचनको संघारमा उभिएका छौँ। त्यसैले उहाँलाई एउटा प्रतिस्पर्धीको रुपमा पाएर साह्रै खुशी छु। लोकतन्त्र भनेकै स्वस्थ्य प्रतिस्पर्धाको नाम हो।’
राष्ट्रपति निर्वाचनमा बानेश्वरस्थित अन्तर्राष्ट्रिय सम्मेलन केन्द्रमा बिहान १० बजेदेखि मतदान सुरु भएको छ। दिउँसो ३ बजेसम्म हुने मतदानमा ८७९ जना मतदाताले मतदान गर्ने छन्। कुल ८८४ मतदातामा ३ जनाको पद रिक्त र २ जना उपचारर्थ चीन र भारतमा रहेका छन्।
यो निर्वाचनमा मतदाताका रुपमा संघीय र प्रदेश सांसद रहने संवैधानिक व्यवस्था छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
