फाइल तस्बिर।
कतार– कतारमा नेपालीहरूबीच हुने फुटबलको फाइनल खेलमा राजदूत उपस्थित हुने भएका छन्। कतारमा रहेर श्रम गरिरहेका नेपालीहरूको फुटबल खेलप्रतिको रुचिलाई सशक्त अभिवृद्धि गर्न २०११ मा स्थापना भएको कलेक्सन फुटबल क्लब (सीएफसी)ले उक्त कार्यक्रमको आयोजना गरेको हो।
सेप्टेम्बर २ देखि अक्टोबर १४ सम्म झण्डै डेढ महिना हप्ताको शुक्रबार खेल हुँदै आएको थियो। विश्वकप फुटबललाई उत्साहजनक बनाउन नेपालीहरूमाझ नकआउट फुटबल प्रतियोगिता आयोजना गरिएको थियो। अन्तिम खेल १४ अक्टोबर शुक्रबार नेपाली राजदूतावास दोहाका राजदूत डा नरेश विक्रम ढकालको प्रमुख उपस्थितिमा मिसाइद स्थित माईक स्पोर्ट्स खेल मैदानमा हुने आयोजक टिमका अध्यक्ष देवनारायण चौधरीले बताए।
यसअघि उद्घाटन खेल समारोहमा एनआरएनए एनसीसी कतारका अध्यक्ष सुरेश भट्ट सहभागी थिए। उनले फुटबल हस्तान्तरण गरेर प्रतियोगिताको उद्घाटन गरेका थिए।
रोजगारीको सिलसिलामा कतारको विभिन्न स्थानमा रहेका प्रतिभावान् नेपाली खेलाडीहरूले आफ्नो फुटबल खेलप्रतिको प्रेम जगाइराख्न खोलिएका क्लबहरूमध्ये सक्रिय १५ वटा क्लबहरूको सहभागिता रहेको थियो। दोहामा भएको उक्त खेल नेपालीहरूले विदेशी भूमिमा भएको अहिलेसम्मकै ठूलो प्रतियोगिता भएको छ।
गत शुक्रबार भएको पहिलो खेलमा युवाइएफसीले ह्यप्पी ब्रो एफसीलाई १–० ले हराउँदै फाइनलमा प्रवेश गरेको थियो। सोही दिन दोस्रो खेलमा सीएफ ब्लु भर्सेज पेट्रो एफसीबीच भएको खेलमा सीएफसीका जर्सी नम्बर ११ का मिलन र जर्सी नम्बर २१ का राजकुमार चौधरीले १/१ गोल गरेका थिए भने पेट्रो एफसीको तर्फबाट जर्सी नम्बर २ का संजय मण्डले १ गोल गरी आयोजक टिम फाइनलमा प्रवेश गरेको छ। उक्त खेलमा सीएफसी ब्लुलका खेलाडी वसन्त तामाङ किपर र देवराज चौधरी म्यान अफ द म्याच भएका थिए।
‘अहिलेसम्मको तयारी राम्रै छ। महामहिम राजदूतज्यूको गरिमामय प्रमुख उपस्थितिका लागि हामीले उहाँसँग भेट गरेरै पत्राचार गरिसकेका छौँ। उहाँले आउने जानकारी दिनू भएको छ’, क्लबका अध्यक्ष देवनारायण चौधरी भन्छन्, ‘फाइनल खेलसम्म साथ सहयोग गरेका एनआरएनए एनसीसी कतारका पदाधिकारी सदस्यहरूले विभिन्न तहतप्कामा हामीलाई साथ समन्वय दिँदै हुनुहुन्छ। प्रथम पुरस्कार रियाल ५५५५ र द्वितीय पुरस्कार ३३३३ रियाल, शील्ड, ट्रफी र सहयोगीहरूलाई सम्मान पत्रहरू तयार भएका छन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793965248.png)
-1786602170.png)
