धुन्चे– रसुवामा सोमबारदेखि दैनिक ९ घन्टा विद्युत अवरुद्ध भएको छ। त्रिशुली चिलिमे ६६ केभी प्रशारण लाइन मर्मत गर्नुपर्ने भएकाले तीन दिन दैनिक ९ घन्टा बिजुली अवरुद्ध हुने भएको हो।
सोमबारदेखि बुधबारसम्म बिहान ८ बजेदेखि साँझ ५ बजेसम्म त्रिशुलीदेखि चिलिमेसम्मको विद्युत् सेवा बन्द गरी मर्मतको काम हुने नेपाल विद्युत् प्राधिकरण धुन्चे वितरण केन्द्रका प्रमुख कृष्णहरि दाहालले बताए। उनले भने, ‘त्रिशुलीदेखि चिलिमेसम्मको विद्युत् कहाँ के भइरहेको छ त्यो हेर्दैछौं र मर्मत गर्नुपर्ने ठाउँमा मर्मतको काम सुरु गरेका छौं।’
बिजुली नहुँदा स्थानीयबासीको दैनिकी, कार्यालयको कामकाज र व्यवसाय प्रभावित भएको छ। त्यस्तै, यसअघि विभिन्न समस्याका कारण पटक–पटक विद्युत् सेवा अवरुद्ध हुँदै आएको थियो। यस पटकको वर्षायाममा फेरि समस्या नआओस् भनेर मर्मत गर्न लागिएको प्राधिकरणले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
