काठमाडौं– बलिउड स्टार रणवीर कपुर र आलिया भट्ट स्टारर ब्रम्हास्त्रले बक्स अफिसमा दमदार कमाई गरिरहेको छ। केही समययता सुक्दै गएको बलिउडलाई ब्रम्हास्त्रको कमाईले फेरि लयमा फर्काएको चर्चा हुन थालेको छ।
फिल्मलाई लिएर दर्शकमाझ जबरदस्त आकर्षण देख्न सकिन्छ। फिल्मको कमाईले हरेक दिन नयाँ कीर्तिमान कायम गरिरहेको छ। यो फिल्मले एक साताको अवधिमा मात्र धारतमा १७० करोड भारतीय रुपैयाँ कलेक्सन गरेको छ। विश्वभर तीन सय करोड भारतीय रुपैयाँको आँकडा पार गरेको छ।
बक्स अफिसमा ब्रम्हास्त्र
अयान मुखर्जीको निर्देशनमा बनेको ब्रम्हास्त्र भारतीय दर्शकले धेरै मन पराएका छन्। फिल्मले भारतमा मात्रै सात दिनको अवधिमा कूल १७३.२० करोड भारतीय रुपैयाँ संकलन गर्न सफल भएको छ।
पहिलो दिन ३६.४२ (करोडमा)
दोस्रो दिन ४२.४१
तेस्रो दिन ४५.६६
चौथो दिन १६.५
पाँचौं दिन १२.६८
छैटौं दिन १०.५८
सातौं दिन ९
दक्षिण भारतमा मात्रै फिल्मले २औ करोड भारतीय रुपैयाँ कमाएको छ। आगामी केही दिन घरेलु बक्स अफिसमा निरन्तर यस्तै प्रर्दशन गर्दै २०० करोडको आँकडा पार गर्ने अनुमान गरिएको छ।
ब्रम्हास्त्र सफल हुनुका पाँच कारण
१. हिन्दी फिल्ममा पहिलो पटक गुणस्तरीय भिएफएक्सको प्रयोग
ब्रम्हास्त्रको कथा धेरै दर्शकले मन पराएका छैनन तर यो फिल्ममा प्रयोग भएको भिएफएक्स र एक्सनलाई भने आम दर्शकले प्रशंसा गरेका छन्। बलिउडमा यस प्रकारको भिएफएक्स यसअघि प्रयोग भएकै थिएन। ब्रम्हास्त्र यही भिएफएक्स र एक्सनकै कारण दर्शक तान्न सफल भइरहेको छ।
२. बच्चाहरुले फिल्म मन पराएका छन्
ब्रम्हास्त्रलाई लिएर किशोरावस्था र बच्चाहरुमा जबरजस्त क्रेज देखिएको छ। फिल्म सफल हुनुमा यसको पनि मुख्य भूमिका रहेको छ। एक सुपरहिरो फिल्म हुनुले पनि बालबालिकाले यसलाई मन पराएका छन्।
३. रणवीर–आलियाको जोडी
ब्रम्हास्त्र भारी मात्रामा स्टारास्टले सजिएको फिल्म हो। रणवीर कुपुर र आलिया भट्ट एक साथ यसमा देखिएका छन्। दुवैलाई एक साथ सिल्वर स्क्रीनमा देख्नका लागि आम दर्शक र उनीहरुका फ्यान आतुर थिए।
यस्तो अवस्थामा दर्शकले दुवैलाई एक साथ पाएका छन्। उनीहरुको केमेस्ट्री फिल्मको एक सुन्दर पक्ष हो। यसका साथै फिल्ममा अमिताभ बच्चन, नागर्जुन र मौनी रोयको अभिनयले पनि आकर्षण झन बढेको हो। उनीहरु पनि आफ्नै फ्यान फलोअर भएका स्टार हुन्। शाहरुख खान पनि फिल्ममा सरप्राइज रुपमा देख्न पाइन्छ।
४.ठूलो बजेट
ब्रम्हास्त्र बलिउडको सबैभन्दा महंगो फिल्म हो। ४१० करोड भारतीय रुपैयाँ लागतमा बनेको यो फिल्म निर्माण अघि नै चर्चामा रहेको थियो। फिल्मको बजेट नै एक प्रकारको चर्चाको विषय बनेको थियो। यति ठूलो बजेटमा के देखाउन खोजिएको हो भन्ने आम मानिसको चासो पनि थियो।
५. सोशल मिडिया ट्रेन्ड र प्रमोशन
यो फिल्मको सुरुआतदेखि नै सामाजिक सञ्जालमा चर्चा भएको थियो। शुटिङ, पोस्ट प्रोडक्शनदेखि रिलिज हुनेसम्म फिल्म लगातार सामाजिक सञ्जालदेखि सञ्चार माध्यममा चर्चाको विषय बनेको थियो।
रिलिज हुनुभन्दा पहिले यो फिल्मलाई बहिस्कार गर्नेसँगै सर्मथन गर्ने लहर पनि सुरु भएको थियो। ब्रम्हास्त्रको नकारात्मक पब्लिसिटीको फाइदा पनि मिलेको छ। यसका साथै यो फिल्म प्रमोशनमा पनि करौडौं खर्च गरिएको थियो। रणवीर–आलियाले कयौं ठूला सहरमा खुलेर प्रमोशन गरेका थिए। जसको फाइदा अहिले फिल्मलाई मिलेको देखिन्छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![हामी योजनाबद्ध विकासको लयमा अघि बढेका छौँ, रिजल्ट देखिन थालेको छ: कृष्णहरि मर्हजन [भिडियाे]](https://nepallive.net/uploads/posts/500X300/krishna maharjan thumbss 1695817270.jpg)
![एकै खेलमा नेपालले बनायो कीर्तिमान नै कीर्तिमान [भिडियाे]](https://nepallive.net/uploads/posts/500X300/nepal ko kritiman nai kritiman thumbss 1695809570.jpg)
![भाषण गरिरहेका नेताबारे देउवाले विश्वप्रकाशसँग सोधे- को मान्छे हुन् यिनी? [भिडियाे]](https://nepallive.net/uploads/posts/500X300/382241383_1016364039682320_170889257131060420_n1695560664.jpg)
![प्रश्न माओवादी केन्द्रलाई, जवाफ कांग्रेसको [भिडियाे]](https://nepallive.net/uploads/posts/500X300/nepallive brifing thumbs1695481420.jpg)
![दाङको तुलसीपुरमा खुकुरी प्रहारबाट एक जनाको मृत्यु, दुई जना घाइते [भिडियाे]](https://nepallive.net/uploads/posts/500X300/dang nerws thumbsbh1695481371.jpg)
1695908022.jpg)
