काठमाडौं– टेलिशृंखला ‘सिंहदरबार’को दोस्रो शृंखलाका रुपमा ‘सिंहदरबार २’ प्रशारणमा आउने भएको छ। नवीन सुब्बा निर्देशित 'सिंहदरबार २' नेपाल टेलिभिजनबाट आगामी शनिबार बेलुकी ८ बजेर ५० मिनेटदेखि प्रसारणमा आउने भएको हो।
सिंहदरबार २ मा अभिनेत्री गौरी मल्ल, प्रमोद अग्रहरी, रमेश रञ्जन झा, बादल भट्ट, हेमन्त चालिसे, प्रकाश घिमिरे, प्रभात रिमाल, देशभक्त खनाल, आलोक थापा, सबिना गोपाली, कृष्ण शिवाकोटी, सिर्जना सुब्बा लगायत कलाकारको अभिनय छ।
सिंहदरबार २ पनि सिंहदरबारको पहिलो शृंखलाजस्तै नेपालको राजनीतिक र सामाजिक विषयवस्तुमा केन्द्रित रहेको शुक्रबार ललितपुरमा आयोजित पत्रकार सम्मेलनमा निर्माण पक्षले जनायो।
कार्यक्रममा बोल्दै अभिनेत्री गौरी मल्लले नेपाली समाजमा नारी पात्र पनि सशक्त ढंगबाट सत्ता र नेतृत्वमा रहेर काम गर्न सक्छन् भन्ने सन्देस सिंहदरबार २ टेलिसिरियलले प्रवाह गर्नेमा ढुक्क रहेकाे बताइन्।
पत्रकार सम्मेलनमा सिंहदरबार २ को ट्रेलरसमेत सार्वजनिक गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
