काठमाडाै- प्रतिनिधि सभाको वैठकमा बोल्ने अधिकांश महिला सांसदहरुले वंगलादेशमा अध्ययनरत छात्राहरुका बारेमा अमर्यादित टिप्पणी गर्ने मेडिकल व्यवसायी दुर्गा प्रसाईलाई कारवाहीको माग गरेका छन् ।
डा गोविन्द केसीसँगको सहमतीपछि विधेयक पेश गर्ने कार्यसुचि रहेको सांसद वैठकमा शिक्षामन्त्री गिरिराजमणी पोखरेलसँग यसबारे जवाफ समेत माग गरेका छन् ।
सांसदहरुको प्रश्नपछि मन्त्री पोखरेलले प्रसाईमाथि कारवाहीको विषय मन्त्रिपरिषदले निर्णय गर्ने बताए। मन्त्रीले केसीसँग भएको हिजोको सहमती संसदको अङ्ग बनोस् भनि सभामुखलाई दिए ।
यस्ता छन् सांसदहरुको माग
पुष्पा भुसाल– दुर्गा प्रसाईको अभिव्यक्तिको विषयमा आएको मन्त्रीको जवाफ र उनीमाथि कानुनी कारवाही के भईरहेको छ ? संसदमा जवाफ चाहियो ?
डिला संग्रौला– ५१ प्रतिशत महिलामाथिको अस्मिता माथि तुच्छ टिप्पणी गर्ने मेडिकल व्यवसायी दुर्गा प्रसाईमाथि किन कानुनी कारबाही भएन ?
अनिता परियार– दुर्गा प्रसाईले नेपाली चरित्रमाथि धावा वोलेका छन् उनीमाथि किन कारवाही भएन । कानुनमन्त्री शेरबहादुर तमाङ्गमाथि कारवाही हुनु पथ्र्यौ तर उनी राजिनामा दिएर वचेका हुन् ।
रामबहादुर विष्ट–सम्झौतामा के भयो त्यो कुरा उल्लेख भएन । कानुनमन्त्रीले रोएर राजिनामा दिनु भयो तर दुर्गा प्रसाईले उन्मुक्ती पाउने हो ?
प्रकाश रसाइली–डा केसीसँग के के सम्झौता भएको हो यो सदनमा जानकारी गराउनु पर्यो । दुर्गा प्रसाईको बारेमा सरकारले के सोचेको छ त्यसको बारेमा जानकारी गराउनु पर्यो ।
प्रेम सुवाल– शिक्षा र स्वाथ्य निशुल्क हुनु पर्ने हो । डा केसीसँग समझदारीका लागि सरकारलाई धन्यवाद छर विधेयक कार्यसुचिमा छ । विरोधका सुचनाहरु कार्यसुचिमै छन् । विधेयकमा के के ल्याउने सहमति भएको छ त्यो जानकारी संसदमा मन्त्रीले गराउन माग गर्दछु ।
देवेन्द्रराज कडेल
विरोधको सुचनाहरु आएका छन्। जुम्लामा जस्ता घटना भए यसमा छानविन हुन्छ कि हुदैन जवाफ आउन पर्यो । दुर्गा प्रसाईलाई कारवाही हुन्छ कि हुदैन जवाफ चाहियो ।
मन्त्री गिरिराजमणी पोखरेलको जवाफ
डा केसीसँग हिजो राती नयाँ सहमति भएको छ । यो सदनले स्वभाविक प्रक्रियामा अगाडी बढायोस् भनेर मैले आफ्ना कुरा राखेको छु । यसलाई हारजितको विषय भन्दा सहमतिका रुपमा अघि वढाै। २०५७ सालमा भएको ९ बुँदे सहमति मैले यसअघि रेकर्ड गराएको छु । त्यसैको आधारमा हिजोको सहमति भएको हो । यो मन्त्रिपरिगषद्मा पेश गरि अनि संसदमा आउने छ । ९ बुँदे सार्वजनिक नै भएको छ । मैले यसमा राख्न पर्दैन । दुर्गा प्रसाई ,कानुनमन्त्री वा अन्य विषयमा मन्त्रिपरिषदमा छलफल हुने छ । अनिमात्र म यहाँ यसलाई प्रष्ट पार्ने छु । केसीसँग भएका सहमतिलाई दृष्टिगत गरेर हामी अगाडी वढ्ने छौ । जुम्लाको विषयमा प्रहरी , गृह र रक्षा मन्त्रालयवाट प्रतिवेदन आईसकेको कारण यहाँ उठेको कुरा सम्वोधन त्यसैले हुन्छ । पटक पटक अनसन बस्नु पर्ने अवस्था अन्त्य होस् भन्ने हाम्रो चाहाना हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786157138.png)
-1786156257.png)
-1764146706.png)
