काठमाडौं- सरकारले कर बढाएपछि १ साउनदेखि नेपाल टेलिकमका सेवा महँगिने भएको छ।
नेपाल टेलिकमका अनुसार, १ साउनदेखि अल टाइम भ्वाइस प्याक, नाइट टाइम भ्वाइस प्याक, एसएमएस प्याकेज, मिस्ड कल एलर्ट र एफटिटिएच लगायतका विभिन्न प्याकेजको मूल्य बढ्नेछ।
आगामी आर्थिक वर्ष २०७५/७६ को बजेटमा गरेको व्यवस्था अनुसार, बढेको टेलिकम सेवा शुल्क अनुसार मूल्य समायोजन गर्नुपर्ने भए पनि केही सेवा भने पहिलेकै दरमा उपलब्ध गराउने टेलिकमले जनाएको छ।
यस अनुरुप टेलिकमले मनसुन अफरको रुपमा विभिन्न प्याकेज उपलब्ध गराउने भएको छ। उक्त अफर १ साउनदेखि नै लागू हुनेछ। एडिएसएल लगायत केही प्याकेज विशेष लोकप्रिय भएकाले ग्राहकलाई थप आर्थिक भार नपर्नेगरी पहिलेकै दरमा उपलब्ध गराइने टेलिकमले जनाएको छ।
त्यस्ता प्याकहरूमा विकेन्ड प्याक, नाइट टाइम अनलिमिटेड डाटा प्याक, जिएसएम थ्रिजी/फोरजी १ जिबी पर डे प्याक, सियूजी प्याकेज, भिडियो एन्ड टिभी स्ट्रिमिङ आवरली प्याक, एडिएसएलका विभिन्न प्याकेज र इन्डिया अफर अन्तर्गत डेली प्याक र विक्ली प्याक छन्।
कम्पनीले उपलब्ध गराएका विभिन्न प्याकेजमा २५ देखि ५० प्रतिशतसम्म बोनस उपलब्ध गराइने टेलिकमले जनाएको छ।
टेलिकमका अनुसार, *1415# डायल गरेर मनसुन अफर अन्तर्गतका विभिन्न प्याकेज प्राप्त गर्न सकिनेछ।
आगामी आर्थिक वर्षको आर्थिक ऐनले टेलिकम सेवा शुल्क ११ प्रतिशतबाट बढाएर १३ प्रतिशत पुर्यालएको छ। त्यसैगरी हालसम्म पूरै कर छुट रहेको डाटा सेवाको शुल्क पनि १३ प्रतिशत पुर्यातइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
