काठमाडौं– १२ दिनदेखि अनसनरत डा गोविन्द केसीले सरकारले वार्ताको पहल नगरेको बताएका छन्। वार्ताको पहल गर्दा पनि आफू आउन नचाहेको हल्ला सरकारी अधिकारीले नै चलाएको भन्दै उनले प्रेस विज्ञप्ति मार्फत स्पष्ट पारेका हुन्।
उनले सरकारले संवेददनहीन र गैरजिम्मेवार भएको बताउँदै भनेका छन्, 'माग पूरा गर्न कुनै पहल नगरेको सरकारका तर्फबाट जिम्मेवार व्यक्तिहरुले हामी वार्तामा आउन नचाहेको भनेर दिएको अभिव्यक्तिप्रति हाम्रो ध्यानाकर्षण भएको छ।'
डा केसीले आफू कुनै पनि बेला वार्ताका लागि तयार रहेको जनाउँदै सरकार तयार भएको अवस्थामा तत्काल वार्ता टोली पठाउने जानकारी समेत गराएका छन्।
चिकित्सा शिक्षा ऐन सही रुपमा आउनुपर्ने तथा कर्णाली स्वास्थ्य विज्ञान प्रतिष्ठानमा एमबिबिएस कार्यक्रम सुरु हुनुपर्ने लगायत मागसहित डा केसी असार १६ गतेदेखि जुम्लामा अनसनरत छन्।
उनले सरकारलाई दलीय वा अन्य स्वार्थ वा पूर्वाग्रह छाडी तीन करोड नेपालीको हित सुनिश्चित हुने गरी काम गरेर वार्ता सफल बनाउने गृहकार्य गर्न स्मरण समेत गराएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
