काठमाडौं– जुम्लाबाट निर्वाचित भएका नेपाल कम्युनिस्ट पार्टी (नेकपा) का सांसद गजेन्द्रबहादुर महतले जुम्लालाई क्रिडास्थल नबनाउन आग्रह गरेका छन्।
नेपाली कांग्रेसले दर्ता गराएको जरुरी सार्वजनिक महत्वको प्रस्तावमाथि संसदमा बोल्दै महतले जुम्लाले डा गोविन्द केसी वा अन्य कर्मचारीभन्दा पनि उपकरण मागेको बताए।
‘जुम्लाका जनताले कर्मचारी मागेका छैनन्, हामीले डा केसीलाई मागेको होइन’, उनले भने, ‘उनी कर्मचारी हुन् भने कारबाही गरौं, पुर्खा खोज्न गएको भए स्वागत गरेर चिसो पानी खुवाएर पठाउन तयार छौं।’
सांसद रंगमति शाहीले भोलि कर्णालीका जनताले सुलभ रुपमा स्वास्थ्य पाऊन् भनी केसीले गरेको अनसनको सबै दलले समर्थन गर्नुपर्नेमा जोड दिइन्। उनले केसीको स्वास्थ्य अवस्था कमजोर हुनुमा सरकारले पाँच दिनसम्म फोहोर कभर्ड हलमा राख्नु पनि कारक रहेको आरोप लगाइन्।
यस्तै, सांसद गंगा चौधरी सत्गौवाले संसदमा डा केसीको बारेमा छलफल गरेर व्यर्थमा समय व्यतीत गरिरहेको टिप्पणी गरिन्।
दुई सयभन्दा धेरै कानुन बनाउनुपर्ने अवस्थामा केसीको अनसनबारे छलफल गरिनु संसदको समय खेर फाल्नु भएको उनले बताइन्।
कांग्रेसका सांसद अमरेशकुमार सिंहले पार्टीले सरकार उत्तर कोरियाली नेता किम जोङ–उनको बाटोमा लागेको आरोप लगाए।
‘अनसनमा हिंसा देख्नु आफैंमा अधिनायकवाद हो’, उनले आग्रह गरे, ‘संसदमा जनताको आवाज बोलौं, नेताको चाकडीको भाषा होइन।’
सरकारको काम चुरोट र बिडी उद्योग खोलेर बस्ने नभई स्वास्थ्य शिक्षाको सर्वसुलभ व्यवस्था गर्ने भएकोमा जोड दिँदै सांसद सिंहले सरकार आफ्नो दायित्ववाट बाहिर निस्केपछि डा गोविन्द केसीहरु अनसनमा बस्नुपर्ने अवस्था आउने बताए।
यस्तै, नेपाल मजदुर किसान पार्टीका सांसद प्रेम सुवालले राज्य दमनकारी बनेको आरोप लगाए।
बहुदलीय शासन आएपछिका सबै सरकार एकै चरित्रको रहेको आरोप लगाउँदै उनले थपे, ‘राज्य संयन्त्र आफैंमा दमनकारी हुन्छ। विगतमा राजाको दमन भयो, अहिले निर्वाचित राजाको दमन हो।’
संविधानको धारा ३५मा स्वास्थ्य सम्बन्धी हकको ग्यारेन्टी गरिको भन्दै सुवालले शिक्षा र स्वास्थ्य निःशुल्क हुनुपर्ने माग गरे।
‘जनताको विश्वासघात नगर्ने हो भने स्वास्थ्य र शिक्षा सरकारले नियन्त्रणमा लिएर निःशुल्क गर्नुपर्छ’, सुवालले भने, ‘किम जोङ–उनको देशमा निजीकरण छैन, तर हामी निजीको पक्षमा किन देखिएका छौं? यो अहिलेको मुख्य प्रश्न हो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
