काठमाडौं– नेपाली कांग्रेसको अवरोधपछि प्रतिनिधिसभाको बैठक सोमबारसम्मका लागि स्थगित भएको छ।
दिउँसो १ बजे सुुरु भएको बैठकमा प्रमुख प्रतिपक्ष दल नेपाली कांग्रेसले अवरोध गरेपछि स्थगित भएको थियो। आधा घन्टापछि पुनः सुुरु भएको आजको दोस्रो बैठकमा पनि कांग्रेसले विरोध जारी राखेपछि सभामुख कृष्णबहादुर महराले असार २५ गतेसम्मका लागि संसद स्थगित भएको घोषणा गरेका हुन्।
आज दोस्रो पटक बैठक सुुरु भएलगत्तै कांग्रेस सांसद दिलेन्द्रप्रसाद बडुले आफ्नो कुरा राखेका थिए। बडुले आजैको कार्यसूचीमा सार्वजनिक महत्वको प्रस्ताव छलफल हुनुपर्ने अडान राखेपछि बैठक स्थगित भएको हो।
यस्तो छ सभामुख र सांसदको प्रश्नोत्तर
सांसद बडु : प्रतिनिधिसभा नियमावलीको नियम ७१ बमोजिम जरुरी महत्वको सूचना दर्ता भएको छ। तर त्यसलाई कार्यसूचीमा समावेश गरेको पाइएन। यति महत्वपूर्ण विषयमा देशको ध्यानाकर्षण भयो सरकारको भएन। डा केसीको माग अनुसारको अध्यादेश पुनः जारी गर्नका लागि यो सार्वजनिक महत्वको प्रस्तावमाथि छलफल होस्। संसदमा छलफल नहुने हो भने हामी आ–आफ्ना स्थानमा उभिन बाध्य हुन्छौं। जसले संसद बैठक रोकिन्छ।
सभामु्ख महरा : मैले यहाँहरुले दर्ता गर्नु भएको सार्वजनिक सरोकारको प्रस्ताव स्वीकार गरेको छु। सदनको ध्यानाकर्षण भएकाले सरकारको समेत गराएको छु। ३ नम्वर उपधारालाई अवलम्वन गरौं। अर्को दिनको बैठकमा कार्यसूचिमा पर्छ। अर्को दिन सार्वजनिक बिदा पर्ने भएकाले आजको बैठकमा बस्दिन आग्रह गर्दछु।
सांसद बडु : यो सार्वजनिक प्रस्तावको महत्वलाई बुझेर सरकारलाई जानकारी गराउनु भयो, सभामु्खलाई धन्यवाद छ। तर सरकार गैर जिम्मेवार भयो। उ जिम्मेवार बन्न जरुरी छ। यो प्रस्तावमा सरकारको सम्बोधन नभइ संसद अगाडि बढ्दैन।
सभामुख महरा : अब पुग्यो होला माननीय सदस्यहरु, बसौँ।
यसैबीचमा नेपाल कम्युनिष्ट पार्टी (ने क पा)का प्रमुख सचेतक देव गुरुङले पूर्व सभामुख सुवास नेम्वाङसमक्ष पुगेर कुरा गरे। लगत्तै सभामुख महराले संसदमा यस्तो घोषणा गरे।
सभामुख : सदन र सरकारको गम्भीर ध्यानाकर्षण भएको छ। अब विरोध पुग्यो कि? तपार्इंहरुको माग अर्को बैठकमा कार्यसूचीमा पर्छ। केही माननीय सदस्यहरुले अवरोध गरिरहेकाले संसदको आगामी बैठक असार २५ गते दिउसो १ बजेसम्मका लागि स्थगित हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790058826.png)
-1790058103.png)
-1786602170.png)
-1789631269.jpg)
