आइपुग्यो राष्ट्रिय ध्वजाबाहक वाइडबडी 'अन्नपूर्ण', विमानस्थलमा मन्त्रीले गरे स्वागत

नेपाल लाइभ

नेपाल लाइभ बिहीबार, असार १४, २०७५ ०३:४४

काठमाडौं- राष्ट्रिय ध्वजाबाहक नेपाल वायु सेवा निगमको एअरबस ३३० आज बिहान त्रिभुवन अन्तर्राष्ट्रिय विमानस्थलमा आइपुगेको छ। बिहान ८:२० मा जहाज विमानस्थलमा अवतरण गरेको हो।

निगमले खरिद गरेको 'अन्न्पूर्ण' नाम राखिएको ‘ए ३३०–२००’ सिरिजको यो जहाजमा १६ वटा बिजनेस श्रेणीका सहित २ सय ७४ वटा सिट रहेका छन्। यो जहाजको व्यावसायिक उडान भने आगामी अगस्ट १ गतेबाट हुनेछ। निगमले अमेरिकी कम्पनी एएआरसँग खरिद गरेका दुई वाइडबडी विमानमध्ये पहिलो विमान आज आएको हो। आउँदो महिना थप अर्को वाइडबडी जहाज पनि आइपुग्ने संस्कृति, पर्यटन तथा नागरिक उड्डयनमन्त्री रवीन्द्र अधिकारीले बताए।

निगमले २०७३ चैत २५ गते अमेरिकी लिजिङ कम्पनी एएआरसँग दुई वाइडबडी ‘ए ३३०–२००’ एयरबस विमान खरिद गर्ने सम्झौता गरेको थियो। उक्त वाइडबडी विमान हाईफ्लाई एक्स, जर्मन एभिएसन क्यापिटल र अमेरिकी कम्पनी एएआर कर्पोरेसनसँग मिलेर खरिद गरिएकाे हो। नयाँ वाइडबडी विमानबाट दक्षिण कोरिया, जापान, अस्ट्रेलिया, लण्डनजस्ता गन्तव्यमा उडान गर्ने योजना रहेको निगमले जनाएको छ। निगमले यो विमान खरिदका लागि नागरिक लगानी कोष र कर्मचारी सञ्चय कोषसँग २४ अर्ब ऋण लिएको थियो।

जहाजको स्वागत गर्न मन्त्री अधिकारी, निगमका महाप्रबन्धक सुगतरत्न कंसाकार लगायतका अधिकारी विमानस्थल पुगेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेशकेन्द्रित ७ दलको ‘संघीय लोकतान्त्रिक मोर्चा’ घोषणा

तीनकुनेको हिंसामा सरकारको हात छ, लाठीसमेत नभएका प्रदर्शनकारीमाथि गोली चलाइयो : राजेन्द्र लिङ्देन

कुलमान र हितेन्द्रको रिटमा सुनुवाइ सकियो, आजै आदेश आउने